家陣d細路....(我懷疑自己見到盲神)
話說今日學生會搞閃避球比賽
我見會長係我老友,所以我幫手評分
話說有一班打波手法都極度不光彩,輸左仲要掟d球衣落地下
之後就臭數學生會,死唔認輸,輸左就_人果隻
之後佢地班主任幫佢地說好話,幫手搞清楚見事,溫溫柔柔咁勸交
之後成班居然去插個班主任
插學生會都算,話晒都係外人,忍
居然吊轉槍頭插幫自己既老師?
輸左就輸左,玩姐,洗唔洗殺人放火死老豆姦老媽咁嚴重呀?
之後終於忍唔主,出聲罵佢地班友"你知唔知自己鬧緊邊個?佢係你老師黎架,你係到鬧幫緊自己既老師?"
開頭我同班友仔係鬧大聲
奈何我中五佢地中三,佢地一路向後行一路大叫
佢走佬就算,無謂棒打落水狗
網上見得多人厚顏無恥,現實都第一次見
自己衰左,老師好心比個台佢落
唔領情仲要吊轉槍頭
好老師就係咁樣離開教育界
*個老師教過我,佢雖則係比較新,但佢從來冇拎新老師果一份燥火去教學生
