小弟之前都有呢個問題, 後來搵到原因係個彈匣feed彈唔順+用左隻唔太理想的BB彈, 令到發射時個推彈嘴chok裂左粒彈, 影響粒彈既飛行軌跡, 後來執曬D匣同換左隻彈, 問題有很大改善. 但個人認為PTW個hop up設計其實係有D問題, 佢個hop up roller係可以上下郁動, 靠戈兩粒cushion頂住, 變左每次發射時有可能個roller對粒彈的摩擦程度未必一樣, 產生既上旋力度亦有所不同, 變左未必鎗鎗都咁遠咁準, 尤其當戈兩粒cushion被長期壓到扁曬冇曬彈力時問題會更明顯(不過FCC出戈粒hop up 彈弓仔可以解決呢個問題, 係一個好有效既升級), 所以從hop up設計黎睇, 我覺得傳統AEG用粒老鼠屎頂實粒膠反而仲實際....所以話乜野PTW比AEG準好多遠好多呢D咁既理論, 其實未必是事實(個人感受)
最後, 換6.01管及換hop up roller其實未必有用, 換6.01反而會大力左, 但對彈導表現冇幫肋. 原裝管同個原裝roller其實已好襟砌
