小弟之前都有同樣的遭遇, 都係用呢隻匣
PTS呢隻PTW PMag匣, 好話唔好聽, 係好睇唔好食, 得個樣, 用落問題多多, 要自己執下佢先用得順
首先, 如樓上師兄講, 換彈弓係必需. 原裝條彈弓唔多夠力, 你用0.2珠可能還好, 0.25珠個問題會更嚴重, 但乜珠都好, 入到七, 八十飛時係明顯唔夠力推. Mag牌有出PTW匣的強化彈弓, 都通用呢隻PMag匣, 一包有8條, 夠你置換4隻匣(每隻匣要兩條, 師兄拆開隻匣睇就會明)
另外仲有一個問題, 小弟之前都試過入得多彈時, 打打下冇彈出,射空鎗, 拔隻匣出黎見到條彈弓縮左入去推唔到D彈上黎, 再拆匣先發現頂住彈弓戈條spring guide太粗, 當入到一定數量彈時條彈弓受壓, 就縮曬入條guide入面, 但因為條spring guide粗,會卡住條彈弓彈唔番出黎. 解決方法好簡單, 就係將條spring guide磨幼佢, 直至條彈弓可以自由出入為止.
換完後入彈入到8, 90飛, 再直接用手指按低兩粒stopper, 睇下D彈可唔可以即刻飛曬出黎見到個topper, 如果可以咁基本上條彈弓係伸縮得順, 如中間有卡頓, 請再拆開再重裝.
執完呢兩樣野, 但某幾隻匣仍會偶有空鎗或碎彈情況發生, 研究左好耐, 先發現問題出係夾住BB彈戈兩粒stopper上面. 原裝或其他牌子的stopper個頂係好平滑的三角形, 個hop up base上彈位左右都有兩個三角形突出黎, 上匣時會將戈兩粒stopper壓下, 等D彈可被推上. 但PTS呢隻匣唔知做乜, 有D stopper個表面完全唔平, 細心D睇仲有高低, 上匣時根本沒被完全壓下, 變左D彈上唔到或上得唔順, 形成空鎗或碎彈. 解決辨法係:用1mm的O ring(或其他有彈性的物料), 剪少少出黎(粒stopper的闊度), 再係中間剪開一半, 用AA膠黐上去兩粒stopper個頂部, 目的係等佢可被完全壓下.
小弟共有14隻匣, 其中6隻係PTS匣(其他為鴨仔匣, 黑貓匣及原裝匣, 都係一買即刻可用)., 唯獨隻隻PTS都有唔同問題.......剩係整呢隻匣都整到幾乎嘔血. 現在叫做隻隻都用到, 平時打game, 我一般都係帶6-8隻匣不等, 但我都只帶3至4隻PTS, 其餘都係其他牌子, 當做spare
