話說小弟近年冇乜新計劃,慢慢草到少少銀之下決定手痕又搞返舊系列完夢
A2身黎講小弟近2年都砌過唔少,今次點解咁快又搞多支,其實始終咁多年心底有念執著想砌多一支鍛造A2收藏下,
不過由於市面一直得蛇有出過鍛(約2009年限量幾十支疑似購用真工法製作upper,個陣全港好似得3支好運托人訂到一隻)
但初版蛇各方面未完美,最後保留upper經曆左派~井~蛇~豬香港系統連續改造幾個世代玩A2舊系列,
2年前蛇確定量產重新推出A2系列,各方面有大改進對於A2迷一大喜訊,小弟的舊蛇戰友可以退下來了,感謝好拍檔
十年時間比我改潮換代打左無數飛都仍硬淨,鍛造真係冇得挑剔
廢話up完,到底蛇經曆近十年時間有幾大改進,我地拉落去睇下就有答案
---------------------------------------------------------
開箱文一定要有箱
本體(有部份件已換左非原裝)
槍身
玩蛇價值千金重點就係為個身, 以小弟考究下槍身外型其實做到好足
,由於受惠新模具製作所以線條同表面十分工整,基本除左刻字未做到壓字外已經係玩具界頂點了
表面處理睇似陽極,感覺係半消光黑色質感唔錯非初代#記油亮黑, 筆直鬆動可以加錢做硬陽,或客製些啦曲colt灰/黑自行發揮了
另外大蛇T骨印象中已轉鍛造,十分有誠意唔一定件件落珍藏品
前節
鋼管工藝提升大,刻字非常正,以前初代表面處理銀灰色唔太掂
...
另外提提話說蛇barrel nut超級無敵上得實,除非家有全套真品夾具&拆barrel nut板手或需要埋扭力板手協助
唔係既話都係交比外面專業槍鋪齊工具拆安心快捷, 首推orf師傅
唔記得影尾托手托質感唔錯,要求唔高可以唔落珍藏品
--------------------------------------------
到內構部分,新設計CNC撞針組,與WA系統最大分別在此,
之前上一支蛇723經驗呢份撞針組係有效改變WA系統更加穩定同減低阻力,缺點造價幾貴下希望蛇普及慢慢成本降低..
網球拍亦改左真工法係槍身穿PIN固定加分,不過呢個圈位可以鑼薄少少免得刮崩上身,可以自已diy
蛇另一樣係已經改左真工法在手柄上鑽洞固定選擇掣,非WA系統要多件四方零件固定,加分
hopup改用凹壓凸點,未試準度要求高筆直鬆動可以改其它補品
最尾講下Bolt set,
全CNC鈻飛機+鋼bolt carrier ,市面最實淨厚料之Bolt,印象中睇過測試插空壓機打足成十分鐘full auto冇爛
,
Bolt set 有16mm同18mm飛機之分,出廠配16mm加錢先有18mm,一個厚身一個更chock各有優點
另新版已改全行程同減短行程bolt lock設計,個人建議蛇因bolt有返咁上下重量用減短行程+大力gas會爽d,最好配多隻co2夾chock盡佢
彈夾
大蛇有自家新版PMAG,約4百中克算輕, 試打過2夾,推得郁加重buffer+厚料鋼Bolt+超硬回膛彈弓算唔錯了雖然rof偏慢
隨手拍返條影片參考下射擊feel, 因太長內管+超硬hammer彈弓大約1.5~1.8蕉偏大力
https://www.youtube.com/watch?v=3y0la61mv50
-----------------------------------------------------------
買後感想,個人覺得大蛇外觀/用料/實淨程度對得起售價,雖然同我自己大改個支爽度有明顯差距外觀都有分別,不過亦可以自行diy
獨特型號只有蛇出鍛如係鍛死硬派,基本草耐d錢都要入返支收藏了,
暫時係咁多先,同返兄弟合照
多謝收看~~
完
味住未完
,小弟又點會原裝爽度滿意唔改就收貨,玩GBB一定係又要靚仔睇得又打得爽先符合在下原則
,
大蛇改造潛力仲有好大空間,GBB又係個改造四寶,低阻力,磨順,減重,密氣
下期改好再來分享, 完
