唔好隨便蝦老人家呀....隨時命都冇埋架.....
停車場 8樓平台劫案
85歲阿婆狂追賊佬爬牆跌死
【本報訊】一名老婦昨偕同弱視女兒，行經筲箕灣耀東邨多層停車場 8樓平台時，女兒被獨行賊搶手袋，老婦不甘損失啣尾緊追，賊人逃落 7樓發覺走投無路，冒險攀過圍欄企圖翻牆跳落 6樓逃走，但失足直墮地下，身受重創送院搶救證實死亡。 記者：梁偉權、劉柏麟
墮樓身亡賊人張少華（ 56歲），獨居耀東邨耀富樓一單位，警方消息指，張為一名癮君子，以往有 5次爆竊案底，他出事後警方在他身上搜出一柄 4吋長摺刀，不排除用來犯案，警方正聯絡其家人善後。
「平時呢度好多人行」
遇劫的母女，分別姓蘇（ 85歲）及姓張（ 57歲），兩母女同住耀東邨耀安樓，蘇婆婆育有兩女，長女已婚住在石澳，今次遇劫是次女阿玲，蘇婆婆指出，阿玲早年因為腦生瘤，影響視力導致弱視，幾乎不能視物，因此行動甚為遲緩，外出需兩母女同行。
事發昨早上 11時許，兩母女離家往銀行提款，蘇婆婆將提取生果金，並請女兒飲茶，兩母女行經耀輝樓對開多層停車場 8樓平台，準備乘升降機往地下時，一名男子突然從後撲出，搶去阿玲肩上的手袋，裏面有 1,000多元現金，賊人得手沿第 4號樓梯跑落樓逃走。
現場消息指，由於阿玲嚴重弱視，事發後無從反應，站於地上發呆，蘇婆婆見女兒被搶手袋，不甘損失高呼救命及「搶嘢」。蘇婆婆說：「平時呢度好多人行嘅，嗰時就冇喎，見到佢走我咪追囉。」蘇婆婆雖年紀老邁，並需拄着枴杖行走，但她不顧危險，一鼓勁沿樓梯跑落樓追賊。
攀過圍欄圖跳落 6樓
原來該樓梯是一條「倔頭路」，僅通往 7樓一間安老院的後門，賊人嘗試推門進入，但發覺無法將門推開，由於前無去路後有追兵，賊人攀過 7樓走廊 4呎高圍欄，冒險跳落 6樓停車場逃走，但失足直墮地下，途中撞斷山坡樹木的樹枝，墮地當場重傷昏迷。
安老院職員聽到嘈吵聲出來察看，老婦告知遇劫及賊人墮樓，職員隨即協助報警。救護員到場將墮樓賊人送院急救，但終於不治。警方在現場撿獲事主的手袋、一個環保袋以及一副眼鏡。阿玲及 85歲母親均沒有受傷，事後返警署助查。東區重案組跟進調查案件。
「如果襲擊我 我就扑佢」
追賊的蘇婆婆雖滿頭白髮及身材矮小，但腰骨挺直並聲音洪亮，同時腦筋甚為清晰，清楚向警員講述案發過程。遇到賊人行劫，追賊及目睹賊人墮樓死亡，沒有顯出驚惶失措，她並聲稱：「搶我嘢，同佢搏命！」
與弱視幼女相依為命
蘇婆婆一把年紀，與幼女相依為命，因幼女患有弱視，照顧幼女責任反而落在她身上，昨日她拖着幼女外出，賊人搶了其幼女的手袋，她追賊時毫無懼色，事後氣定神閒。記者問她「驚唔驚」，追賊時有否擔心賊人向她襲擊？蘇婆婆回應說：「如果佢（賊人）襲擊我，我就扑佢！」即用枴杖扑打賊人。
她又指出，當時未有想過人身安危，只是想捉着賊人，取回被搶的手袋，見到賊人墮樓死亡，她亦沒有感到害怕。蘇婆婆有精靈一面，懂得保護自己，記者問她住在那裏，她說：「阿婆冇記性，唔記得住邊！」但回答警員即清楚講出住址。
本報記者
