引用:
原帖由 Flanker 於 4-10-2009 16:35 發表 
咩事
超速
係,但係佢當時冇雷射槍的
事發經過︰(當時我在車隊前部份大約頭三份一位置)
今晚中秋團車隊拉龍去到壩上時，大約去到壩一半左右，突然聽到前面有人大叫︰『你o地班單車超晒速喇﹗全部同我停車﹗』停車後，先知係一名 A701 o既輔警o係度大聲喝停我o地。但當時我o地車速的確唔高 (車隊龍頭我唔清楚，但起碼車隊中間o既的確唔快，甚至真係龜速，但太黑，睇唔到表。)。停車後，警員話︰『你o地咩事o架？有無負責人？今日節日假期，呢度好多人，你o地仲踩咁快？超晒速，仲唔單排行車。咁你o地撞到人點算？』之後車隊中有人話︰『我o地無單排行車？我o地超晒速？你o地點知道我o地係唔係超速？』警員話︰『總之我見到你o地好快，如果你o地唔係踩咁快我都唔會截停你o地啦﹗』之後在場o既另外大約四五名輔警亦逐一檢查每架單車係唔係有車頭車尾燈。之後就有其他數名車友向警員查詢有關指我o地超速o既證據，同埋係邊 D 車超速，點解要一次過截停晒所有三十幾部車。之後車友同警員你一言我一語，最後警員都仍然指我o地有錯。但當問到佢o地想點，係唔係要檢控所有車友時，警員又之吾以對。而當有車友上前紀錄有關警員o既警員編號時，警員反向有關車友記錄身份證。事後致電大埔區警署當值指揮官，要求派出正規警察到場協助調解事件。
及後，輔警及正規警察o既沙展及指揮官分別都到場，輔警指揮官將有關輔警警員叫離開車隊以外約數十米地方，似係進行訓示。而正規警察o既指揮官就同車友理論到底發生乜o野事，點解需要截停我o地咁多部車，但又唔放行。最後大埔區當值指揮官應承將單車放行。但警方從未就無理以單車超速及並排行駛為由，將三十多部單車截停，以及有關警員有言語間態度不禮貌以作出任何道歉。
*1 另外，壩上無街燈，而所有在場及其後到場警員都無穿上反光衣。所以最初有人大叫停車，根本無人知乜事﹗好彩我o地車速慢，同埋車同車之間有距離，如果唔係實大炒﹗
*2 事後據悉，原先壩上輔警警員只執行『反罪惡行動』，主力打擊遊人放孔明燈及進行檢控。但不知何故，插手干預到有關交通安全事宜。但壩上、燒烤場附近，以及大尾篤村內都有不少人放孔明燈甚至放煙花，警方都未有處理。
