請問咁多位末代會考生的出路如何?
========================================================
純有感而發 , 今日聽番有個師弟講佢入左SBI毅進
問佢幾多分 , 佢話佢9分 , 都要仆崩頭走去九展排隊
我問佢 , 9分 , 中英文合格 , 你讀個毅進黎做咩?
佢話IVE佢想讀果科爆左人 , 加上第一階段已經爆哂位 , 第二志願打後又冇填
佢又話 , E家乜都冇得讀 , 佢老母咪叫佢唯有求其搵D野讀下囉
當時我真係好想盅佢幾拳 , 點解? 後面會講...
跟學校既會考生 , 學校只會教你考試 (仲要唔係教得叻) , 囉A囉B點解冇你份? 因為史上囉A囉B果班有九成都唔係學校教出黎的
要係會考囉A囉B有兩個可能 , 其一 , 個考生本身好 勁 , 其二 , 補習天王操出黎的 , 可能有其三
一般公立甚至私立學校 , 教書果班 , 咪又係囉C囉D走入去教的? 你唔知頭唔知路聽佢講野你想囉A? 訓醒先啦!
以上都唔係重要 , 大把人 (包括我) 都考到九彩咁 , 年年都有兩三成人係零分的 , 最重要係點樣搵 "出路"
"出路" 呢樣野 , 學校老師係唔會教你的 , 講你都唔會明 , 再加上屋企人都係無知既一群的話 , 恭喜你 , 你就係一個唔知頭唔知路岩岩考完試又冇野做既on 仔
咁幾時先唔on 阿? 好簡單 , 等你知道自己lai左野果時囉! 但唔好唔記得 , 你已經lai左野了
唔止今年 , 年年都好多考生 "唔知做乜"
得1-3分的 , 就走去排IVE果D "四年制二年班/三年制課程"
未曾了解果D課程既入學要求 , 去到果度排隊 , 唔收你又跪地又喊咁
好喇 , 夠分果D , 又以為自己好似好 巴閉咁 , 以為全香港得你囉果個分數 , 唔急唔急咁慢慢黎 , 遞表剩係填一兩科 , 好似收硬你咁
唔收你又手足無措 , 又唔知仲有咩路行 , 最後走左去同班1-3分既人搶毅進位 , 自己無謂時又搞到班1-3分既人真係冇野讀
報毅進成功入到去果D , 以為執到雞 , 又唔知自己出到黎都係得5分 , IVE既直接取錄最低都6分 , 又唔知有咩方法可以入番IVE , 讀完出到黎又話冇 用
(其實入到毅進唔等於來年可以入得番IVE , 但你可以有其他方法例如設計科面試 , 再幫你囉多幾分 , 直接取錄直過 , 但D人唔知...)
基本上佢地都唔知自己有乜可以做 , 旁人就唔知佢地係度做乜 , 總之呢班人就係lai左野 , 奇就奇在年年會考處於分數的低下層都係咁樣既境況
點解我會知? 因為我都係曾經lai過野果班 , 我斷言我係呢方面都係非常失敗果班 , 有時有D野 , 你明知佢地衰硬 , 但佢地又唔聽你講 , 你就會火都黎埋...
今年IVE都比前幾年混亂 , 直接取錄第一日 , 第一階段就話冇哂位 , 等到D人拿拿聲執包袱走去排毅進 (我係歧視毅進的 , 因為最終讀完轉換出黎的會考分數唔及YC多)
我唔知係邊個對果班的考生講 "一係IVE一係毅進" , 有冇人會諗下YC? 有冇人會諗下其他高級文憑? 結果就係搞到好多學校 "有位冇人讀" , 同時亦令到有人 "冇位比佢讀"
話雖如此 , 但考生們又有冇諗過IVE仲有位呢? 的確VTC官方宣佈第一日所有課程已經爆滿
但唔好唔記得 , 年年都有班唔知頭唔知路既死靚仔死靚妹走去跪地痛哭求人比個位佢 , 年年都有班 家產報左個位唔 讀
好喇 , 個個走哂去排毅進 , 但又有冇人知 , IVE到現時為止 , 仲有幾百個學位空左出黎? 唔信?
https://admission.vtc.edu.hk/was_oth/showCourseList.jsp?v_appl_form=1&v_offer_round=T&v_level=S5
有人冇書讀 , 有書又冇人讀 , 呢個香港就係咁科幻 , link都比埋 , 要報拿拿聲
如果夠五科合格又走左去排毅進比左錢既 , 聽我講 , 比左既錢當過大海唔見左 , 拿拿臨報IVE是但一科 , 如果唔係你真係哂一年時間 , 無乜為為咁
講完呢個咁科幻既香港 , 又講下呢班咁天真既中六朋友
想問問升中六既朋友你地以幾多分入讀中六? 點解咁問? 因為你地條路係比IVE仔難行好多
之前睇過一個唔知係邊度既統計 , 經中六中七出黎升大學既 , 你會考唔夠21分 , 你咪洗只意升本地大學
唔夠分? 升唔到=正常 , 升到=當中左六合彩 , 升唔到咁點阿? 屋企好有錢送你去外國大學? 到後來咪又係讀副學士or兩年制高級文憑囉
但唔好唔記得 , 你中六中七果度兩年 , 再讀多兩年先可以升去學士學位 , 前後即係四年 , 比起中五入IVE既哂多一年時間 , 到時喊都無謂
唔升大學既 , 我又想問下 , 你讀中六中七黎托? 又係無乜謂謂
講到呢度 , 我先說明我唔係專業人仕 , 唔岩聽既唔需要質疑我 , 但我想講既係 , 我都lai過野 , 我都知咩野環境
我比呢班人更失敗 , 因為我到E家前後浪費左4年時間 (其一係我12月出世遲人一年讀低B園 , 其二係中一衰殺人放火品行差搞到留班 , 其三係老豆痴媽根走去叫我讀毅進 , 其四係今年)
認真相勸一句 , 你地咩野料子 , 就讀番D咩野料子應該讀既野 , 就算比你低分走去讀到中六 , 高分走去入毅進 , 出到黎 , 又有咩野得著?
以上 , 不喜勿插 , 謝謝!
[
本帖最後由 101653 於 18-8-2010 23:08 編輯 ]
