發新話題
打印

自己動手修復車身

自己動手修復車身

唔知有冇師兄DIY幫部車執油?
我部二手Jazz車身有花,凹坑,想DIY自己執...
大家有乜意見???

*****************************************************


自己動手修復車身 經濟易做

(綜合報道)

(星島日報報道)新手駕車,輕微碰撞在所難免,Lawson也不例外,因此車身留有不少花痕,雖然並不嚴重,但亦有礙觀瞻,一直都想把它修復。到噴油店問過,得悉就算一道少少的花痕,重噴收費亦需五至六百元,並不划算。向前輩們請教解決辦法,才知原來大多數的車身顏色巿面上都有罐裝噴油出售,大可自行修復,於是Lawson便趁上周有空,到旺角的汽車用品店搜羅所需的材料。

  根據編號配原色

  大家可能不知,車身通常都貼有一張關於車子資料的標貼,當中有記錄原廠車身顏色的編號,例如萬事得的銀色編號是3L,到汽車用品店跟老闆一說便配到同色的罐裝噴油,相當方便。老闆還分別推介了一支底灰及光油,再到五金鋪買一粗一幼水磨砂紙(400及1500號)與一罐粗蠟,所需的用品便齊備,花費約二百多元(見附表)。

  基本打磨要做好

  噴油前要先做好準備功夫,以粗、幼砂紙把刮花的部分打磨至平滑,工序基本上與砌模型車相同。先以400號砂紙加水用力打磨,然後再用1500號砂紙磨滑表面,做完後用手指感覺一下,如沒有凹凸感便算完成。磨好後以噴油膠紙包圍噴油的部分,四周可再以報紙遮擋,以免噴油沾上其他地方。在正式噴油前要先噴上底灰,如有不平的地方便再作打磨,直到滿意後便可噴上油漆。噴油要每層薄薄的噴上,噴完後再噴上光油,乾透後再用布捽上粗蠟令表面光亮,如順利的話,修復度可達九成(詳見附圖)。

  自己作噴油修復花痕並不只為了慳錢,過程其實頗有趣,雖然效果始終比不上噴油店的手工,但完成後滿足感的確很大。復活節假期將至,若沒有安排節目,不如趁機為座駕做點修復,感受一下DIY的樂趣。

  文、圖﹕Lawson

  DIY噴油支出

  噴油 $65 光油 $65 底灰 $65

  粗蠟 $30 砂紙 $5

  總數 $230

  A. 先以粗、幼砂紙把花痕打磨至平滑。

  B. 封好報紙後噴上底灰。

  C. 薄薄的逐層噴上與原色相同的油漆。

  D. 撕去遮蓋報紙,用幼砂紙磨平新油層的邊緣。

  E. 逐層噴上光油,最後一層可噴厚些。

  F. 待光油乾透後捽上粗蠟,可令表面光亮。

  修復前

  修復後

  :>DIY噴油所需的材料,總費用約二百多元。

  :>修復前後的對比,雖然手工不及噴油店般完美,但過程滿有樂趣。
Actually, buying original colour can paint / spray paint / clear top coat is not cheap! And you have to get a hand polisher machine, WAX - the diamond cut-back polishing was, fine wax etc. etc. etc. not cheap after all! But good to enjoy the process.

TOP

Watch Wheeler Dealer in Discovery Turbo Channel la

TOP

之前我自己整過, 但係真係要有心機先得, 你個凹位有幾凹先?

如果係度門果d啄痕就真係無咩計....因為我自己度門都大把都費事搞, 我整果d全部都係上手整爆左果d

最主要係要配返你架車果個廠色, 我自己就去左屯門工業區有間舖頭專係配色的, 用原廠code配返, 再用原子灰"線灰", 干晒之後再用水磨砂省返平, 再用配果d油油返上去, 干晒之後再用變色龍力架噴埋面油, 搞掂
鵰。豹。狸。獅。狒
引用:
原帖由 Hkpolice-Psu 於 9-4-2011 22:03 發表
之前我自己整過, 但係真係要有心機先得, 你個凹位有幾凹先?

如果係度門果d啄痕就真係無咩計....因為我自己度門都大把都費事搞, 我整果d全部都係上手整爆左果d

最主要係要配返你架車果個廠色, 我自己就去左屯門 ...
其實,有凹坑...好彩無啄痕(啄痕都有計...)
因為,買返來都有花痕...再加上"新手上車"撞攔,弄花乜都有啲
ok....過幾日攪吓車尾先....

[ 本帖最後由 B20_hk 於 9-4-2011 22:12 編輯 ]

TOP

引用:
原帖由 B20_hk 於 9-4-2011 22:10 發表



其實,有凹坑...好彩無啄痕(啄痕都有計...)
因為,買返來都有花痕...再加上"新手上車"撞攔,弄花乜都有啲
ok....過幾日攪吓車尾先....
最主要睇你接受到咩程度啦, 我自己就見白既小小地果d就就咁用毛筆點d油執左佢, 見唔到白就算...

大忽果d就用原子灰整好晒先油
鵰。豹。狸。獅。狒
引用:
原帖由 Hkpolice-Psu 於 9-4-2011 22:19 發表


最主要睇你接受到咩程度啦, 我自己就見白既小小地果d就就咁用毛筆點d油執左佢, 見唔到白就算...

大忽果d就用原子灰整好晒先油
我估要先執好灰,磨,再上色
Thank you sir....
引用:
原帖由 B20_hk 於 9-4-2011 22:22 發表


我估要先執好灰,磨,再上色
Thank you sir....
開灰,上灰有學問!!

太多乾左會爆灰

要小小咁上!!
偽君子!永遠虛偽!

TOP

引用:
原帖由 B20_hk 於 9-4-2011 22:22 發表


我估要先執好灰,磨,再上色
Thank you sir....
用200-400水磨砂沙先浸水後省, 如果唔係會好花...
鵰。豹。狸。獅。狒

TOP

引用:
原帖由 失去靈魂騎兵師 於 9-4-2011 22:25 發表

開灰,上灰有學問!!

太多乾左會爆灰

要小小咁上!!
師兄,我Plan工序如下

1.清洗凹處
2.乾後,上灰在凹處,再用膠括括平...
3.乾後,過水磨沙紙(粗幼)
4.封好報紙
5. 薄薄的逐層噴上與原色相同的油漆。
6. 用幼砂紙磨平新油層的邊緣。
7.逐層噴上光油
8. 待光油乾透後捽上粗蠟....

另外,我住沙田,我去過MK找過原廠噴油都無貨
請問那裏會有?市區都可以...

感激 x 100000
引用:
原帖由 Hkpolice-Psu 於 9-4-2011 22:26 發表


用200-400水磨砂沙先浸水後省, 如果唔係會好花...
恩人.......希望省得一蚊得一蚊
發新話題