上星期隔離就有個客自己部PRINTER壞左人地整唔到,之後特登返果間舖買部新機,
隔日返黎屈人部機有事,唔換佢佢走去報警
,今日就到我個客話部遊戲機有問題,我對症下藥換左啲配件叫佢返去試多次唔得先換機
點知走左個幾鐘佢屋企人居然打黎話我如果唔換機就搵朋友黎攪大佢,
仲同我講附近有舖頭之前試過咁俾佢攪到好大件事,我真係唔明而家啲消費者係邊道知道咁樣就可以打橫黎行?
個個都係黑社會?你唔俾面就吹消委,警局,海關,三五成群出黎?咩野世界?你惡得我唔惡得?
明知收工仲行入黎,問你要咩又話唔知,答你要收工你又話知,你黎幹麼?
口講到明單寫到白出門唔換,"No Refunds, No Exchanges" ,換就人情唔換就道理啦,出門口個個都知知知,返黎就個個文盲加白痴
收你一千幾百要當你一千幾百萬生意黎服侍你,下次開埋紅酒你飲啦
你地黎做老闆啦!我到而家都係好憎政府啲廣告,劉生講嘜春野咁既態度係唔夠.
唔該搵過個天王滾出黎同千千萬萬既零售業仝人講返句,今時今日咁既消費態度係唔岩啦唔該
好很火呀
