引用:
原帖由 MG-42 於 4-8-2014 13:21 發表 
你"print左出來"果個例子分明夾硬來啦... 蘋果個網改左價錢換牌梗係緊新價啦. eh你買果時個牌未換 , 你不如話影定十年前百佳出前一丁個price tag啦.
如果下下上來吹水,都要detail到引用法律第幾條,如果我熟到 ...
理性討論，唔好「開始」攻擊我ok ？
apple 個網，買入方式是按買，信用卡輸入，確定係唔係？
如果有客係「睇」呢個階段睇到平價，按買入時先話要重新載入，載入完個價錢又加左，呢位客人仍然處於「未完成」交易狀態，咁有冇得追呢？
同理，eh 係架上見到150 ，行到去櫃台話個價已經改左，客人仍然未完成交易，咁係唔係可以渣住隻手套叫佢一定要賣比你？
雙方都係處於未完成狀態，而亦不貪欺騙成份。( 我主觀認為，如果師兄覺得對方是存心欺騙可以分享一下 )
而家唔係對方收多左你錢唔肯比番你，而係在「完成交易」之前已經同你講左個價貼錯，係一個疏忽，客人是否有權力要對方就呢個疏忽賠償呢？
問題係在交易完成狀態之前，客人既損失並唔係貨價，或者係時間，或者係車費，賠番時間錢同車費錢比你，個官會開咩價後話吧...
師兄你話「有例可依」，我都想知咩例，你唔記得可以答唔記得，我亦不會怪你，始終大家都不是法律界人士 ( 或者你係，我唔係 )。
如果咁都話我拗橫紋咁就咁算數，反正吹水，right ？
後補：我唔知法例如何，亦唔知師兄話「條例寫哂出黎」係邊條例，因為連說出呢句話既師兄都話唔記得，無從蹊考條例說明甚麼，甚至有冇此例，希望有識之士可以補完。
至於呢件事，係我以一個升斗市民既眼中，大不了就是貼錯價錢，而個sale 又冇道歉的小事。
是否有錯一賠十，公開道歉，報警見報口誅筆伐，抵制罷買云云，實在覺得小題大做，
在下亦係一個消費者，更加係一個有理力爭的「麻煩」消費者，但個人情感還個人情感，
偶然情況還偶然情況，就算真係對方錯100 % ，作為「受害人」有多少害，實際浪費了多少東西，是否嚴重到非追究不可這些事情，
其實都是人同人之間的問題，反轉來說，茶記叫凍tea ，比左杯凍啡你，點知原來你咖啡敏感，一飲就生野生到腳指，
其實大可以報警處理 ( 佢受的話 ) ，再上fb 寫怨言，再拍片放utube ，香港十九幾萬個forum 貼齊佢，
之後大字標題「視人命如xx ，奶跟啡竟可混為一談，內地文化充斥香港市場」之類，攪到大一大，亦非不可。
但換轉你係寫錯單果個侍仔，你想唔想人攪到咁大呢？
我係人，總會有錯，如果錯左之後對方肯息事寧人，果種安慰同舒服非筆墨可錄也。
後後記：同理，貼完呢篇投訴，睇下會攪到幾大，如果真係大家熱話，到時傳番入eh 耳中，再拎個女仔照肺，又有人要哭了... 何必呢
我自己亦寫過信去eh 反映，但是寫去customer support，反映某d 不滿同建議，對方亦有很快回應。我不知對方是否真係會改，但起碼我想表達的傳遞了出去，
又不見得會傷害著誰。對服務業來說，誠心的建議或投訴，是非不可多得的。
[
本帖最後由 Dave 於 4-8-2014 14:03 編輯 ]
