引用:
原帖由 FBC1 於 6-9-2015 12:21 發表 
而六九坦克在九十年代初賣過一批去泰國，由於性能不佳只用了十多年就退下火線，後來泰國於約十年前又買了九六坦克。
69式最多算係消化佐個部撈上黎既T-62再結合59式做提升，唔算先進所以裝備量唔多。
69式賣泰國之外，當年兩伊戰爭雙方都買佐，好似當年參加波斯灣戰爭既阿拉伯國家聯合軍亦有配備，詳細邊一國唔知。
至於79式原來個名叫69-III，出口既多數係69-II，79式個產量好低，最終祗裝備佐一個師，十分少見
98式實際官方解密個名叫9910試驗車，正式量產之後就係ZTZ-99
當年羅馬尼亞齊奧塞斯庫政府送佐一架T-72俾中國大陸，中國大陸將佢命名做64式，根據對64式既解剖研究確立佐最早99式個框架，但91年波斯灣戰爭同跟住蘇聯解體獲得更高級既坦克樣板，又經過車臣戰爭，令佢個開發案被推倒佐三次。據聞如果當年軍方要求佢就同當時T-72差唔到就得既話……可能早10年就定型量產囉……（傳聞當年佢地對一架搭載佐“接觸-5”反應甲既坦克進行毀傷測試個陣，用盡所以當時既反坦克武器，祗有89式120自走反坦克炮抵近先可擊毀）
1999年國慶閱兵見到既，其實內部乜設備都無裝，因為正式版都未完成研究……
[
本帖最後由 Hamlet 於 6-9-2015 22:08 編輯 ]
