話說外國玩家發現，彈匣入氣哇佬果邊駁左條有成半隻匣長既銀管，只要拆走佢就可以入多 2 倍氣。
琴日做完實驗，拆走冇難度，推開入氣哇佬一抆就甩，而且仲研究左一陣發現左 D 有趣特性... (or 問題?)
- 同一隻匣，入 Topgas 同入 134a 係差一倍既量 (以 gram 計)，銀管作用係控制液態 Gas 既量，Default Setting 係可入到 1/3 Gas 左右，其餘 2/3 都係氣化空間。但相對其他品牌黎講，入Topgas 既量變得不足，雖然 16 度仍可 Full Auto 爽清 1 匣多少少，但明顯量唔夠多。而入 134a 就足夠清到 2 匣。
- 唔知係入氣咀定可入 Gas 空間問題，此匣比較剔 Gas "罐"。在下用 RWA 氣經常出現入氣困難，入 2 秒就噴氣，停手再入多 2 秒又噴，直到 loop 到一入即噴先叫滿。但用恐龍氣就冇事可以直接叉 5~6 秒。一卡之下 RWA 罐出氣個窿原來係比恐龍細。如果有入氣困難既朋友可以試下轉第 2 隻 Gas。
- 拆銀管後，入氣量明顯多 1 倍以上 (唔記得磅，有空補返)，而且無論係 RWA 氣定恐龍都可輕易入滿。入滿後單發可打到 4 匣有多，但 Full Auto 會噴煙及唔夠力回膛，估計係用氣太快，但 Gas 太滿氣化空間不足。不過只要唔入到全滿係可以正常 auto 清到 2~3 匣。而拆銀前後，RPS, 力度和穩定性没有明顯差異，0.3G @ 16 度室溫，拆管前第 1 匣同後既頭 3 匣都係打 97~104MPS (1.41~1.62J)
- 暫時構想會繼續利用銀管控制入氣量，有時間會試下正中劈一刀，睇下會否 Fit 到 Auto 用既入氣量，唔洗下下估。但另一方面擔心夏天會否變成入氣過多，產生另一 D 問題。
結論係... 條銀管其實拆唔拆都冇所謂... 因為冇性能上既差異，而且香港溫度 14 度都可以爽清，暫時未試過凍到清唔到匣既情況，有就可試下拆走佢入大入氣量。
PS: 另一隻牌子既匣... 估計係冇控制入氣量，所以要手動計 4 秒...
