道理上阿波羅/Apollo、密特拉/Mitra、荷鲁斯/Horus, 以及一堆各家各派的神, 生日都是在12月25日.
當然那會是因應以古埃及曆法、巴比倫曆、古希臘曆法或儒略曆各類算法, 而不是我們現在通用, 在16世紀才設定的公歷.
古時大家鬼會真係知神仙幾時出世, 當時的宗教經紀, 記載某些這樣那樣事蹟時, 都係要靠點老作.
不過每件事既發生, 都總會係有某種根據, 盡量找到源頭, 就較易明白前因後果.
天文學有個現像叫二至點/Solstice, 簡單講即係冬至及夏至,
亦即是每年日夜長短差異最大的一天.
遠在耶穌出現前數以千年計, 西亞古人係認為南至點/冬至時, 因為夜間轉長, 而地平線上有三天太陽仿似沒有移動, 就是太陽經巳死亡. 換算那就是12月22至24日的事.
到25日太陽仿似重新移動, 而日間亦開始較長, 就被認為是太陽重生.
所以12月25日, 在古時概念上係一個重要日子.
當2世紀左右, 復活識飛的耶穌越人氣已超越猶太教, 宗教經紀需要更完整地規劃出耶穌的一生去吸引信徙, 這樣那樣之下12月25日這個高收視日子就又多了一個神仙出世...反正耶穌冇參與過人口統查, 冇人知耶穌實際出生日期.
