有留意開WW2詳細多圖系列的朋友都知我會定期分享不同二戰的槍
無計啦....中學個時睇Band of Brother中晒毒, 定期排毒, 睇下你地有無人中毒啦
有留意呢支槍的Bro都知道第1版(即個co2蓋係平)同1.5版(個co2蓋突出)支槍個彈匣係有不同的問題
咁究竟黎到第2版支槍同彈匣有無咩改變呢?
馬上去圖解說:
(睇完呢段野咁快就禁上一頁的BRO你會miss左好多精彩野)
個盒一睇就知你拎緊支咩槍,當然各位bro對m1 carbine有愛都可以買架(我就等下再買啦)
開左盒之後真心嘩左聲......因為距離我儲齊美軍2戰槍又近一步啦
個盒得3樣野, 槍,彈匣同說明書, 其他野係咩都無的....對我黎講係好事,如果新手第一支槍就唔太好啦
例排玩槍前都睇睇說明書,其實本說明書無咩特別....唯一我睇左好耐的係個爆炸圖
大家可以仔細睇下KA對呢支槍的設計係幾咁偉大
先睇下成支槍的靈魂地方,個摺托係金屬,而個肩托感覺係膠製的.
直得留意的係手握木位對上係無marking...如果要做到真槍feel就要自己諗方法啦
再留意下槍身部份,從圖由上而下,左至右解說落去
1.後準星位係可左右調教,但不能上下調教
2.Charging handle 的木比較闊(low Wood stock)
3.支槍的安全制係左右,而非按入
總括黎講呢枝m1a1 carbine係二戰好後期時出現,要玩諾曼第傘兵的超級發燒友要改改支槍啦
另外木質非常之靚,摸上手同CRW個D有得FIGHT下,當然一定唔會有CAW個種實木feel,不過真心唔差
題外話:CAW有出左馬記的Thompson M1A1超靚木補膠品
,真心靚到同正到
(但真係好貴,無記錯仲貴過支槍
二戰槍械愛好者唔係唔買呀)
槍的前部份:
可以見到二戰後期先出現的槍帶扣同刺刀座
101ST同82ND 傘兵發燒友表示好想搞搞佢
另一個角度睇個bolt係比較圓的, 都係後期槍款會出現的
呢到好值得一提的係,個飛機由白色改成黑色...非常之好
個匣只係裝到15粒bb彈,但你可以見到推bb彈個支膠係好長, 落埸的師兄已經準備好要改?
用25彈,頭15粒都keep住呢個數
之後第2-3就跌到1.7同1.6
第4匣就去到1.3-0.95
當然慢慢打個力會無咁快跌
令外支槍的後座力唔算好大,但都唔可以話蚊力,
如果覺得co2好大後座力呢支槍就唔會比到呢個驚喜你啦
最後當然係係美國訂埋個槍帶同POUCH,直上無問題
但如果你個POUCH係真數,個匣就一定塞唔落,要改一改
成支槍連匣真心唔重,輕到你會笑...但個匣真心重,但好厚實
唔會跌2跌就漏氣88
好啦,到重點.....前一代的問題有無帶到新呢代呢?
我睇左好多forum同YOUTUBE, 問題不外乎而下幾點
1.有連發問題
2.會有JAM彈的問題
3.CO2小罐用完後好難先可以掉出再更換新的一瓶
4.白色飛機好唔好睇
5.上CO2前要落D油, 如果唔係會無左D氣
黎到新一代問題1,4我覺得解決左.
問題2同5我覺得唔算好嚴重
我不停單發時,第5轉打個時有JAM彈,但其他時間係無的.而問題5係我上第2支CO2時有出現,導致打少左一匣到
不過上第3支前落1DROP矽油,問題完全解決,仲一D氣都無漏到
不過最大的問題係問題3...我搞呢個問題仲多過我玩支槍的時間
佢會將支CO2瓶夾得好實,令到佢不能自然由重力令瓶子掉下
我的方法係睇FORUM,落好多矽油係瓶身周圍,再好大力向地下撞多次(係好多好多次)小瓶先會慢慢跌出
就住呢個問題槍支在28/4購入,今日2/5已經去左購買的店舖表示想向KA更換無問題的彈匣(因為不竟有花到)...唯有靜心等候電話
我再試另外其他3個彈匣的時侯,第一個已經有問題3的情況發生(但我無法得知呢3個匣係舊貨定最新的匣)...
所以想買多幾個彈匣的朋友要真心試清楚再購買.
另外我再係FB向KING ARMS表示呢個老問題的出現, 佢表示問我買到的是否新匣,何處購入及釐清後再搭覆本人
如果大家有愛當然可以買(好似我咁
),但同時舊有問題都沒解決...當然我係FB都表示希望KA會解決CO2瓶的問題
無謂浪費左呢支咁好的槍.
都知有好多師兄對呢支槍好有興趣,另外問題會否解決?
有最新的消息我會盡快更新(可以留意標題日子)
更新:
4/5: 收到KING ARMS FB inbox 我,佢地會盡快安排出貨新的彈匣到購槍的店舖, 到貨後會通知更換....KA表示新的彈匣係有做改良
收到新彈匣後會再同大家分享
24/9: 基本上新MAG非常之好, 無任何問題。但選購時最好都係試下.....你懂的
[
本帖最後由 adamhaha2002 於 24-9-2017 19:39 編輯 ]
