引用:
原帖由 sagittarius 於 15-11-2018 12:56 發表 
之前玩手遊, 有幾個盟友用 wargame 相做 profile, 睇落幾型, 咁我又想試下
我本身覺得呢個歲數冇問題, 我將 wargame
睇成係運動既一種, 我知好多 5, 6 十歲退左休既人都仲打網球, 咁我28 歲先開始玩又有咩問題
...
首先要糾正一樣野...覺得WARGAME 相做頭像型的應該只有WARGAME 友或愛槍之人...
一般局外人睇WARGAME 友渣槍頭像相...好聽D 叫幾特別，唔好聽叫幾奇怪
不過玩GAME 咁多年，一早亦不介意，正如好多唔識槍既一聽到AIRSOFT ，第一件事就話可以打穿人之前天水圍有單野乜乜係咪呢D .. 嗄...
簡單解釋一下就是那些是改到好勁香港犯法的槍，正常街的至多射穿汽水罐。
至於28 歲是否老看你自己，有好些後生仔打個上午就話要抖，主要都看個人體力。
28 歲雖然談不上最健壯之時但有排都未到衰老，肯玩肯跑肯認死唔嘈交，你就是一個好的玩家。
28 歲有一個優點，就是你有自己經濟能力... 好多時買野買裝唔洗將貨就價，自由一點。
玩槍可以一個人，但打GAME 起碼要2 個人，首先你要搵到隊友先，如果無... 就窄洗一點。
當然自己在家撚槍也是可以很開心，另一種玩法，最緊要你喜歡槍就好。
假設你有團，就是開始新手教學。
主要有幾種野你需要買，MASK 面罩必須，槍也是必須，而運作槍要氣或者電看你槍款，之後是BB 彈...基本上已經齊了。
但如果你不想穿T 恤牛仔褲CONVERSE 落場一點都不型，你可以買一套軍服，一件VEST 或 CHEST RIG ，主要用來裝彈匣。
鞋可以買對軍BOOT ，手套都要有因為沒手套中彈痛亦易被植物弄傷，護膝需要有因為你不會一直企，總會跪。另外可以執一支手槍和一個快拔槍套，
手槍很多款式很多原裝亦很好打，無必要改裝都夠落場，快拔槍套簡單來說就是一個硬套，多數有一些易於解開的鎖，平時掛得很穩，
拔槍時一抹一抽就拔出，就是快拔槍套了。手槍非必須品，步槍運作正常的話手槍基本上永遠唔洗用。 ( 雖然很多UTUBE 見個射手明明步槍大把彈都一定要用手槍打幾槍先開心 )
大體上就是這些。
WARGAME 之道，就是玩得開心，你要有好的隊友，不要輸不起果D ，少嘈交，客氣，那樣多數就是笑著完一日GAME 。
但這個世界很多人是開槍就覺得自己一定是打中，對方沒叫死就一定是不死人，中槍食多2 粒就要問候人老毛，人家COVERING 不出來就話人打得龜...多不勝數。
所以想場GAME 開心，同團人的質素比甚麼都緊要。
