新手買Marui 次世代是否好的選擇？

長鎗我最初都係買普通AEG，換過兩三個款，但都係冇乜玩過就放咗
之前買既基本上都全部係GBB，雖然都係冇乜玩過但係就愈買愈多，而家都有幾枝，而且好希望搵到機會join game玩

我既建議係你要先諗清楚AEG / 次世代係咪真係啱你玩，係咪真係唔需要GBB都可以滿足到你
我就好後悔果陣花咗無謂錢買AEG，咩鋰電差機果堆咁既野，得個蝕字，而且係香港電鎗相關既野愈嚟愈冇二手價值，次世代我諗會好少少，但閒時睇開二手區d價位似乎都係偏低，AEG就更慘情

不過我初初買AEG果陣好似未有/未興次世代，所以我冇接觸過次世代，唔知能唔能夠滿足到我，AEG係肯定唔得架啦，主要係俾唔到我真鎗果種操作，打機味濃，不如放低枝AEG拎起個手制好過，煩少好多慳番好多
次世代應該可以但係後座力方面就唔得，不過對我嚟講屬次要，仿真操作最重要
如果我係住係天氣比較凍既，會落雪既地方我諗我都會選擇玩次世代而犧牲後座力唔玩GBB，不過既然住得係香港我有錢都係留番嚟買GBB啦，次世代可能冇乜機會接觸了

[ 本帖最後由 tf141 於 11-3-2019 02:58 編輯 ]

多謝C兄意見同經驗分享，想買次世代我都考慮左一段時間，其實都有d唔定主意，所以至會出post 問下大家，希望可以從中得到d啟發，thx

[ 本帖最後由 boy1420 於 11-3-2019 03:17 編輯 ]

睇下有冇朋友兩者都有，試玩一兩匣感受下個分別先
如果真係冇就上youtube搵多d片睇下，想像同觀察下個分別

Aeg夾得個鐵or膠殻包蛇餅鍊份膠涵或得上彈桿成本比gbb夾低好多自然平,gbb夾有金屬厚料氣缸又嘩佬出氣膠入氣嘴,樣樣d數要做準唔係好易漏氣,加上設計開發困難唔同aeg夾多數copy要投資更多自然單價較貴可以理解既

Mws夾賣3百頭已算平好似仲噴埋cerakote比你架 ,豬香港夾430,V記同kFc都要3百6~7隻, 除左我們夾2百幾真係最抵吊係馬記夾了,佢仲要有保證唔同港台夾

其實買返馬記次世袋原裝彈弓夾都唔平,馬記300飛質量好d鍊夾印象中要2百零,想爽玩得gbb係要gas同夾方面比多d錢,但一樣流行玩可見魔力

而家aeg興電子雞反應快可以打埋3連發甚至有d新設計開始有埋斷彈功能,
次世袋只係行普通電閘連8mm碑零都冇個結構其實已經唔夠新野黎,
不過真係勝在有埋震動同原裝已經準用口碑贏得玩家信任,
要改力次世袋要耐用仍然要買哂份內件價錢都唔平,搞搞下唔玩個日2手價眼見都幾肉赤。。3千幾把槍未計夾同件,成set賣好多都見2字頭放售仍未知有冇巴打接。。。咁其實不如收支2手玩下唔啱再放唔蝕幾多?

1)以2019年計，Marui 的次世代電槍是否仍然比同廠的GBB，識合乜都唔懂的新手？
次世代是非常實用又頗有趣味的槍，唯一問題是原裝力得0.7J 前後，要改力。
改力其實不貴，一條天梯一個拍頭 ( LAYLAX ) ，一條彈弓 ，尾頂可換可不換，加埋四百多足矣，
問題係改次世代的店家不多，要先問問題有沒店肯幫改力。
在下的SCAR 改完後打了三年 ( 一年最少落5, 6 次場 ) ，三年後天梯才磨損要翻手整。
順帶一題次世代不太適合打11.1V 電，高速運作，EBB 套件難跟上。

2)如果以次世代/GBB都有的槍款CQB-R為例，邊支的性能會好d?(如連射速度，力度，準確等）
性能支支都大同少異，M4 最輕便，416 重一點，SCAR 好像最重，417 聽說用高扭快摩但太貴了在下沒買。

3)我見馬記官網資料，2015年出的CQB-R買$54800日圓，而最近期的MK18 MOD.1 買$69800日圓，價錢相差成$15000日圓，到底兩支槍除款式唔同外，效能上有有大分別？是否新出的會比較好？因為相差價錢足夠買電連差機！
性能應該一樣，外觀不同，自己看爽就好。

4)次世代如果唔改槍，正常使用下，通常會出現什麼問題？例如邊d零件會自然損壞？易唔易自己修理更換？
全原裝打7.4V 鋰電，應該打數年都冇野會爛。

5)電同叉電機用原裝定其他牌子好？如果係其他牌子大約要幾錢？
原裝不送叉機的，那個紅黑色的是M4 系統次世代尾托電池 adaptor (車仔電)，要再駁叉機的。
如用鋰電要焊條鋰電插頭線，或者之前出過套件是原裝電位轉接鋰電插。
總之用鋰電要用鋰電叉機以策安全，車仔電就是旦。

6)次世代仲會有什麼問題要留意？
玩SCAR 射擊時CHARGING HANDLE 移動時小心打手指。

在下電槍年代玩起，之後玩狙，GBB，之後次世代，全都有落場而且是多次的。
大體上談最勁「最廚」一定是AEG ，多彈是其一，其二是射擊時整支槍基本上不會動的，瞄哪打哪。

次世代次之，單發一樣奇準 ( 35 米7 成命中 足球的程度 ) ，連射卻因為槍身要動而比較散，
而且瞄紅點的話是會看到鬼影變幻球，所以很多時都是短點射，而不是一雞8000地掃。然而次世代趣味亦在於此，
單發後助力「前助力」是比較弱，連射卻震個不亦樂乎，因其退膛件重達300 克，是頗有感的。
當然這是自HIGH 的一種，趣味而已，跟真槍甚至GBB 比差一截。

GBB 趣味在於操作，上彈匣甩彈匣所有動作都要確實，彈量少，這亦是鐵定讓GBB 更難用的原因，
而且GBB 彈道很看天氣，早上準不代表中午準，中午不準不代表下午不準...很玄學。
當然這是可以靠HOP UP 調整，但需要一定經驗。
GBB 其實沒有非常高階，最大難度基本上就是彈量少，要勤換匣，還有不能喪連射而已 ( 因為中遠距離連射基本上沒有用，集彈太散了 )，
適應了其實沒太大問題。
還有GBB 對裝備都比較有要求，pouch 要夠多，也要多帶1 , 2 個快拔位置做暫存。

不爭在談埋狙擊槍，有人覺得難有人覺得不難，很看心態，簡單而言就是要等得和夠淡定，
如果自問是等30 秒沒動靜就會向前移動的玩家，真是心急人上行先死先，別忘了自動步槍上前遇敵尚可以決一生死，
渣支狙上前遇敵真是九死一生，手槍救命至多都是脫離戰線用，如果打算手槍可以打低對方步槍手，
那一開始不如直接手槍算了。
而且狙擊槍都很吃地型效果，不規則多掩體地形較好，樹林再穿草衣更是如虎添翼，
相反是明買明賣車場那些，被對家spot 了就很難再放冷槍，這時基本上要打精準射手位算了。
狙擊槍看起來很簡單卻是在下研了好久的課題，現在玩狙在下也是學師未滿，
身邊有很多師兄比我打得好，所以近年玩邪道，
AEP 電手槍+ 100 發彈匣改快頻25 RPS ，雖然只有0.5J ，但被埋身時已經不用驚，快頻蚊咬力手槍在20 米內絕對有能力跟全自動AEG 匹敵，
當然這是劍走偏鋒好孩子不要學。

[ 本帖最後由 Dave 於 11-3-2019 12:38 編輯 ]

唔知是否太少人識改次世代或者店家唔多改
周不時都有超平次世代放售。
在下執過2 支416D 都是超新1 匣無改幾乎零花，$2000 而已，
M4RAS 執過一支又是2 K 蚊，非常新。
床底尚有支G36C 次世代1300 收回來又是新到飛起...
有時不是特登想賺差價而是見平就入了...
家中尚收埋一支416D 和 G36C 。
通常收2 手在下只會揀1 槍1 匣，毫無改槍的，貪佢新淨，一匣亦證明不太可能落場粗用。

其實話就話MARUI 不用8MM BEARING 電子雞乜乜不好，但事實上同樣主力槍多用，馬記耐用度仍然是非常高，
在下一柄SCAR 用三年，另一個朋友幫我收左支M4 RAS 我幫他改埋槍，打了兩年多 ( 11.1V 電 ) ，上一場掃了，估計是天梯夠鐘。
他只有一柄長火，就是這支次世代，以主力槍來說用兩年多已經值回票價。

其實有師兄提過次世代可以用回原裝拍頭天梯，但之前拆過幾支，都非常難拆拍頭，
或者有空再拆拆支416D 看看可否純原裝料改力，如可以的話真是連幾舊水都慳番。

補充一句，馬記槍來到槍街只計 5~55 算，不知原因或者要請教下業者才知。

[ 本帖最後由 Dave 於 11-3-2019 11:01 編輯 ]

謝謝 Dave C Hing分享有關Marui次世代的知識.使我得益良多.

马记mws真的可以打greengas吗？一直没敢尝试

可以，但如天熱30 度以上+ 太陽，飛機有機會回不及而jam ，
換一條硬點的飛機彈弓就好。
fyi

http://www.wargamehk.com/cgf/vie ... 7300&highlight=

多謝Dave兄的詳細回答，其實自己原本是偏向買 Marui MWS的，不過知道打topgas就要改某d件，又唔知自己改唔改到，所以至考慮買次世代

Dave兄，小弟睇過你很多的開箱文，知道你對次世代同GBB的內部結構，性能等都有深入研究

想請教Dave兄，如果以我的情況，你會提議我買次世代 or MWS GBB？

thx

[ 本帖最後由 boy1420 於 11-3-2019 16:40 編輯 ]

買哂最好

如果不能，在「找到人幫手改力」的前題下可以買次世代優先，始終師兄提及「新人」，玩一柄簡單一些的電動簡單些。
如果找不到人改力，可以考慮MWS，改GBB 力簡單過次世代。

費用其實差不多，3300 次世代 + 改槍工連件800 元 + EXTRA 3 隻匣 450 元 = 4550
MWS 3250 + EXTRA 4 隻匣 1280 + 改力飛標彈弓之類 100 元 = 4630

最實在就是找一個朋友擁有次世代和MWS 的一起拿來射幾匣，看感覺而買，
運用上其實都沒有太大分別，新仔都是魚腩，比一柄最準的槍你都不一定殺到人，只求工具是「可靠」就可以，MWS 跟次世代都做到。
如果限制是次世代VS MWS ，建議在射過gbb 之後，自問是否「很毒」，如否，那就電動吧，次世代的準度和玩樂性不會讓你失望的。
如果覺得「gbb 很毒」，「射擊感很爽」，那就gbb。
如果問本人gbb 跟 次世代的「戰力評價」，個人認為一柄唔jam 的 gbb 戰力為 7 ，次世代為 9 ，派米aeg 是 10 ，手拉狙是 5 ，跳殼散彈是 6 ，LMG 是 9 ，留彈炮是 1 。

[ 本帖最後由 Dave 於 11-3-2019 17:35 編輯 ]

多謝Dave兄的詳細解答，我會好好再考慮邊樣更適合自己，thx

騎劫個POST請教下DAVE兄
小弟最近都有打算入手次世代416D
就係苦於唔識自己改（怕改壞）
請問DAVE兄有邊D店可以改到力？(1.3左右即可,畢竟打GAME唔係打人)

哪家店改次世代真的答不上，較早前都有一位新手問過我，他想改次世代SCAR，
我代他打了給幾個比較知名的店家，童工，名搶等，都說不接。
所以抱歉答不上了。