回覆 13# 的帖子
除左BOLLE 之外其他三隻都用過. 同意係ESS 係最實淨. 而且Guarder 唔知係我手氣唔好定我面形定乜, 以前我要戴眼鏡, 所以用埋佢個近視框. 唔知係咪因為咁樣造成個距離, 粒豆可以係個鏡同額頭之間既空位入到去. 我(差唔多廿年前... 人老了)有次去摩星嶺, 爬緊地, 人地打過黎就係粒豆咁樣入到去, 好在俾個近視框頂一頂, 又佢個距離比較遠, 所以我好彩無事, 不過都驚一餐. 脷申, 未試過用其餘兩隻要用近視框, 所以唔知會唔會有同樣問題. 但係S.O. 同ESS 就咁都幾貼面.
關於上次講個個COATING 問題, 我怪錯老婆了, 用埋另一隻CLEAR LENS, 俾我用黎打左幾個鐘有汗, 顴骨掂住既位都已經開始溶. 另外關於會有汗氣既問題, 聽朋友講係opscore 通病. 我用ballistic, 無位俾佢出汗氣, 所以汗氣點都會係我眼同額頭間出返黎, 唔關個鏡事.
另外, @樓主, 唔好話打爆牙, 用護目鏡真係未必足夠. 我好耐以前係當時未執既土瓜灣俾錢場同一班朋友打, 涉事既槍係場租槍. 事關打緊室內, 入到去室內, 有兩位女士, 第一位我開槍打中佢, 佢無經驗唔識叫死重想還拖, 俾我叫住佢, 然後就係我叫緊佢個刻, 第二位同房既女士係暗角一槍打中我口, 入左脷, 初初因為條脷腫左又唔肯定係咪粒豆入左去, 所以無理到佢, 亦因為真係堅痛所以無試下必野出黎. 後來過左幾日, 消左腫埋左口, 發現明顯係有粒豆係入面, 先即刻約去做手術. 好在當時有保險, 如果唔係去公立醫院排佢話要排最少六個月.
故事訊息:
1. 係呀, 就算係原裝槍, 你口裡面全部都係軟組織, 真係有機會打穿. 同樣, 鼻亦一樣. 係另一個PO 我提過有美國書講過一D DAISY 槍 -- 當然人地講緊係過兩J 既槍 -- 發生過意外係4.5MM BB 彈由鼻打入腦死人. 我好彩, 無受更大傷. 但係係咪新手都好, 安全最緊要. 無謂因為一個遊戲所以要受傷害. 學樓上Dave 師兄講, 你可能考慮用全面罩會比較穩陣, 或者最少, 用眼罩加半面罩, 比起全面罩無咁焗亦同時可以有相當防護性;
2. 就算唔好講打入口, 以前中學生個陣唔識死, 出去玩唔戴全面罩, 次次俾人顏射完, 返到學校俾同學問有無事, 都唔係咁好睇啦. 以前打緊馬記原裝槍都會俾人打到瘀. 依家出室外個個都1.2, 1.3j 起跳, 近距離打中面會出血, 甚至留個印, 咁靚仔咁就無啦啦塊面多個印, 點算.
3. 同場有個女仔俾人打中手指痛, 係度係咁喊, 幾廿人圍埋去問佢有無事, 我一個死靚仔係度係咁飲水, 口腔吐血, 除左同場我兩個朋友之外無人理... 女仔打WARGAME 真係受保護動物黎;
4. 打室內又好, 打室外又好, 記得要有情景意識 (Situational awareness), 個地方未必只得一個目標, 所以記住成個房都要掃瞄.
[ 本帖最後由 derp 於 12-4-2021 00:00 編輯 ]
"At the common law no man can be prohibited from working at any lawful trade, for the law abhors idleness."
Sir Edward Coke
