[others] AEG揀槍煩惱

由於同身邊新朋友最近約戰落場發現大家都係"快扣派膠型"選手, 而自己只持有GBBR, 面對膠力不足的問題
巧合地自從賣出支AEG之後都想補充返一支後備穩陣長火, 但小弟已經太耐無接觸過AEG, 唔知而家仲有何牌子出&出得好, 想請教下大家應該/可以點揀~

基本上思考一翻後對新槍暫時有以下要求:
1. 要夠輕, 淨槍under 2.5kg會比較理想, 事關呢支野出現得應該都會同時秤住支一槍多匣的GBBR到場, 輕便係考慮重點;
2. 支槍唔希望係rifle咁長既槍, 因為仲要裝tracer打CQB, 要顧及下場靈活度, 預設距離室內打20-25M合格即可;
3. 原裝已內置mofset/電子波箱, 最好本身內置programme已經有埋binary trigger呢個功能for小弟無腦快扣駁火用;
4. 呢支電槍最好有bolt stop/無彈斷電操作功能, 真係有後座力既EBB會係加分項;
5. 暫定淨買槍既budget不高於2500......

經過一輪自行胡亂搜索, 暫時自己睇落好似有下列既選擇
1. Cyma Platium series AR(尤其是EMG DDM4 PDW & N4呢兩款)
2. VFC MP7
3. VFC BCM MCMR (SBR 8inch) / VFC HK416A5
4. ASG CZ Scorpion EVO3
5. Ares Ameoba AM-015(好似係honey badger款)
6. (如果有其他選擇推薦, 誠邀各師兄提出討論)

基本上思考一翻後對新槍暫時有以下要求:
1. 要夠輕, 淨槍under 2.5kg會比較理想, 事關呢支野出現得應該都會同時秤住支一槍多匣的GBBR到場, 輕便係考慮重點; - 大部份M4 潮款都是這樣的重量，彈匣一隻300-400 發一定夠派
2. 支槍唔希望係rifle咁長既槍, 因為仲要裝tracer打CQB, 要顧及下場靈活度, 預設距離室內打20-25M合格即可; - CQB 型步槍就好，手槍也可以但準度不及有得抵肩的步槍
3. 原裝已內置mofset/電子波箱, 最好本身內置programme已經有埋binary trigger呢個功能for小弟無腦快扣駁火用; - 市面上不少AEG 也自帶 MOSFET ，BINARY TRIGGER 算是出貓吧
4. 呢支電槍最好有bolt stop/無彈斷電操作功能, 真係有後座力既EBB會係加分項; - 市面上9 成AEG 都無，MARUI 次世代有
5. 暫定淨買槍既budget不高於2500...... - 如果考慮電池及叉機，相當勉強


經過一輪自行胡亂搜索, 暫時自己睇落好似有下列既選擇
1. Cyma Platium series AR(尤其是EMG DDM4 PDW & N4呢兩款) - 近年出CYMA 比較好的AEG ，外觀合格+ 原裝MOSFET ，感覺有點像當年KING ARM，CP值高
2. VFC MP7 - 垃圾，天梯先天問題幾匣必斷，不知有沒有改版加強
3. VFC BCM MCMR (SBR 8inch) / VFC HK416A5  - 前者沒有，後者幫朋友改過一支，除了重量達不到你要求，整體算不錯的AEG
4. ASG CZ Scorpion EVO3 - 有點歷史的AEG ，當年風評不錯
5. Ares Ameoba AM-015(好似係honey badger款) - 買這個不如買CYMA ，近年ARES 品質有走下坡情況，改過一支阿米巴，拆開發發覺安裝比較求其。
6. (如果有其他選擇推薦, 誠邀各師兄提出討論) - 型仔之選 KRISS VECTOR AEG 自帶HAIR TRIGGER 。

以前 D Cyma 有個問題，波箱同槍身係自家數，pin 位同人哋唔同，最新哩D款有冇改就唔清楚嘞

[ 本帖最後由 blockhead 於 6-3-2024 05:08 編輯 ]

i see......thanks for the reply
其實我考慮cyma果陣都係諗, 會唔會可以好似classic army果D槍咁, 壞左大不了成份波箱買過換上去
不過呢樣野我應該唔會太擔心, 事關我完全唔識維修, 有事都係拎出街比槍鋪煩

如果打Indoor多，買枝電子波箱打單發好好多。

感謝Dave兄詳細回覆分享, 我都盡量詳細D回覆先

基本上思考一翻後對新槍暫時有以下要求:
1. 要夠輕, 淨槍under 2.5kg會比較理想, 事關呢支野出現得應該都會同時秤住支一槍多匣的GBBR到場, 輕便係考慮重點;
- 大部份M4 潮款都是這樣的重量，彈匣一隻300-400 發一定夠派
=>雖然我主要都係玩彈弓匣, 但基於方便攜帶都有可能揀鍊匣, 其實心入面AR款秤先, 主要係因為再出貓D既時候我可以買個彈鼓上槍落場狂派

2. 支槍唔希望係rifle咁長既槍, 因為仲要裝tracer打CQB, 要顧及下場靈活度, 預設距離室內打20-25M合格即可;
- CQB 型步槍就好，手槍也可以但準度不及有得抵肩的步槍
=> 10"左右CQB我都有D嫌長, 因為我仲要裝返支tracer, 咁就長左一級ga喇
香港地大部份CQB場越來越窄到難以用到carbine咁長既槍, 黎緊D場應該都係向適合PDW長度進發

3. 原裝已內置mofset/電子波箱, 最好本身內置programme已經有埋binary trigger呢個功能for小弟無腦快扣駁火用;
- 市面上不少AEG 也自帶 MOSFET ，BINARY TRIGGER 算是出貓吧
=>Binary Trigger絕對係出貓, 但由於已經係場上對過, 所以作為裝備L都想追上去, 不過binary呢樣野有就有 無就無吧, 大不了單發手指盡量扣快D啫

4. 呢支電槍最好有bolt stop/無彈斷電操作功能, 真係有後座力既EBB會係加分項;
- 市面上9 成AEG 都無，MARUI 次世代有
=>所以想睇下淨但果一成有咩款&牌子揀, 例如我知MP7&CZ EVO3係有bolt stop功能
次世代有因為貪平而短暫考慮過收二手, CQBR&416次世代拎過上手都覺得重心奇重(或者叫奇怪?), 支槍墜到好似GBBR咁, 覺得唔大誘因探索落去了

5. 暫定淨買槍既budget不高於2500......
- 如果考慮電池及叉機，相當勉強
=>電池係要買既, 但叉機我仲有係手所以唔使買, 2500筆直我係預槍+一電, 可能+多隻普通平價匣


經過一輪自行胡亂搜索, 暫時自己睇落好似有下列既選擇
1. Cyma Platium series AR(尤其是EMG DDM4 PDW & N4呢兩款)
- 近年出CYMA 比較好的AEG ，外觀合格+ 原裝MOSFET ，感覺有點像當年KING ARM，CP值高
=>暫時呢個係首選, 等返貨~

2. VFC MP7
- 垃圾，天梯先天問題幾匣必斷，不知有沒有改版加強
=>連有無真係改過版都唔知, 外國D YOUTUBER都無辦法統一說法, 無事果陣支槍表現係誇啦啦, 但周圍睇左好耐comment都唔見耐用度有咩好轉跡象, 只係佢無事既表現+輕便度真係無法忽視佢

3. VFC BCM MCMR (SBR 8inch) / VFC HK416A5  
- 前者沒有，後者幫朋友改過一支，除了重量達不到你要求，整體算不錯的AEG
=>我見416A5好似幾個網站都標2.4KG重, 原來係更重, 咁睇黎VFC AR要揀就焗住揀前者, 有埋gate titan, 不過呢支暫時都係out筆, 睇下遲D會唔會有特價再賣平D~

4. ASG CZ Scorpion EVO3
- 有點歷史的AEG ，當年風評不錯
=> 係~ 當我諗到呢D要求而未開始做功課果陣, 我第一支諗到既係佢, 但個款唔係最喜愛

5. Ares Ameoba AM-015(好似係honey badger款)
- 買這個不如買CYMA ，近年ARES 品質有走下坡情況，改過一支阿米巴，拆開發發覺安裝比較求其。
=>明白, 呢個會fade out了!!

6. (如果有其他選擇推薦, 誠邀各師兄提出討論)
- 型仔之選 KRISS VECTOR AEG 自帶HAIR TRIGGER 。
=>我偏偏咁岩唔多受Kriss Vector個款, 但基於Dave兄介紹稍為上網爬文, 咁岩搵到之前DAVE兄開箱文拜讀一翻, 只能夠講it's on my list now but應該唔係list既前幾位

買槍唔好以「修理」為前題，波箱唔係話換就換，可以唔岩數。
拎出街整，拆槍已經收你4 百，之後逐樣野收費。

[ 本帖最後由 Dave 於 6-3-2024 11:28 編輯 ]

其實CQB 人人企定定喪扣大家鬥唔郁，何況一個DRUM 成三千發，怕你扣到關節炎...
當年我用手槍打，打哂彈，甘岩個隊友死左，按E 鍵執起佢支場地AMOEBA 短版+鏈匣，只能說一支無限彈+可抵肩的武器+ 良好的COVER 勁過支手槍好多...
當時用支槍地槍一場殺左4, 5 個。
TRACER 現在有有好細粒的，大概5CM 之內，對槍長其實影響不大。
至於CQBR 槍長度其實應該還好，主要是出槍的動作要練一下，不要貼實個COVER ，保留一步，就不會常常撞野，也易一些縮回去。

416A5 應該不止2.4 KG，應該貼近3KG  ，不過網站這樣寫那這樣信，或者可以看看有沒有DISPLAY 可以試渣。
VFCMP7 AEG 在下打了半天就斷了拉橋，本身想7.4V 但根本拉不郁，11.1V 就半天壞...支槍仍在手上還買了條第三廠金屬拉橘未換上去，支槍比較難拆，放埋了一邊。

其實in&outdoor應該都會用黎打, 只係定位上係一支後備槍&增強火力槍, 只要支GBBR有問題/火力上被欺負得太慘先會拎出黎用
所以短小精幹既電子波箱係考慮條件黎, 但落到場打既精準度&距離其實我自問要求唔高的

我尋思......搵返個cyma原裝波箱上去應該唔會唔岩數掛
不過呢D都係後話, 到時再算......可能壞左但突然富貴直頭成支換呢
至於拎出街整就......無辦法, 小弟真心DIY能力極其低下, 平時D手槍/GBBR上身拆完都唔保證完整裝得返
有人會覺得整槍係玩槍既樂趣, 但對我呢十幾年黎講, 每次拆槍都係心態+手藝的雙重折磨, 只係大折磨定小折磨JE
比幾百搞得掂一勞永逸乾手淨腳, 我當出街食少次飯買方便就算

我以前用開彈弓匣, 次次都一次過reload入4-5隻120飛, 未入場之前都已經襟到關節炎啦
drum mag係叫做唔使煩reload想點扣就點扣之選je, 唔一定要一場過用晒清匣

tracer就......我有D款式求真既要求, 所以配合上可能會搵返仿surefire/Acetech Predator果D長度, 短果D款我有係手槍上用緊
反正我對tracer要求又要火光又要打到紅彈, 市面上長與短都唔會有幾多款揀, 到時睇下短款有無咩合眼緣&荷包深度而定都唔遲~

416A5我個人比較相信3KG既說法, 因為好耐之前手秤過GBBR款, 佢條骨好似都有返咁上下重, V記應該唔會轉材料的, 但改左mlok骨就難講了~
我都係網站咁寫我咁信住先, 所以有時我都懷疑D網寫EMG支Norveske N4得2.6KG呢個數係咪堅

而經Dave兄+各大YOUTUBER確認之後, MP7應該不作多想了, 可惜了這款槍

不過又脫離裝備層面去談一下，CQBR 你說「怒扣」其實又未至於無敵，雖然有優勢，但一般M4 都有40 發，
AEG 就算扣雞總不可能連扣一千幾百發先停，頂盡就是十幾二十發，事實上GBBR 也做到吧，主要分別就是要狽多幾隻匣，
過場時要勤力些RELOAD。
我不會說甚麼「用技術嬴」，因為彈多確實是有優勢，但是否優勢大到完全無得打，又未必，
自己入行至今都是用彈弓匣，就是80 發的，對著鏈匣一樣甘打。
或者問一下，如果十米距離，一個人頭多一些凸出黎，你要花多久才可以完全瞄準及射擊？
這個時間是要練的，也不需練很久，你真的練習正確，1 星期左右，這個距離打這個目標物，1 秒之內完成舉槍瞄準，百發百中談不上，十拿九穩應該可以。
打開IPSC 的，8~10 米你給1 秒他瞄，打中A ZONE 應該是多數都可以，步槍瞄準比手槍更易些。

[ 本帖最後由 Dave 於 6-3-2024 14:13 編輯 ]

mp7 我買日家白high幾個鐘後就燒咗電子板 出晒煙

講句公道說話，支野壞之前係幾好用，又輕又準又爽快...不過在下支MP7 都係生日即死忌...

ofcoz, I love to discuss it
UM......反而呢種扣法除左面對面駁火以外, 其實對於將對方壓於cover內係幾有用~
當然玩果陣唔會每次都一千幾百發咁扣, 但一面對面前每個轉角、每個COVER後既對手都可以不理彈量咁扣住行埋去, 又唔使煩清匣又唔怕自己反應慢過對方, 呢種去技術化既打法GBB就算成身插滿晒匣都好難完全提供得到......甚至乎企定定、ON居居咁求其連續扣幾十一百飛以求理住對方於一個範圍內, GBB都唔可以係唔換匣呢種不損失時間既情況下provide到~

我自問係比較喜歡&滿足於GBBR果種打晒就搵cover換匣果種玩法, 但最近面對得多狂扣派被壓死於cover內出唔到頭, 轉角位聽到對面唔會停既槍難以尋找到進與退既空間, 都會覺得想轉換一下去呢種蠻不講理、唔使用腦又唔使講求技術既玩法玩下, 反正只係換一支槍既成本尚算有限呢, 唔同對手咪用唔同槍唔同打法lor~
只能夠講, 當要駁火果陣, GBB真係點都會一更易跌入劣勢的一方, 以前有體力唔怕痛都仲會諗點駁火/點走位瞄好D去應對, 但而家面對住咁既對手已經開始唔想諗野, 大家一齊玩意粉槍玩到無癮/想轉下玩法先算

瞄就......我發現我而家越來越慢, 同埋我可能grip槍出左問題, 有時唔遠既距離打落既集彈都唔太滿意, 但我覺得我個人既問題黎
其實DAVE兄你以前提過既限彈GAME係一個好好既solution, 但暫時真係好難帶得起