引用:
原帖由 vgrdragon1 於 5-10-2017 00:15 發表 
有人話，槍只是工具，殺人的是人，呢句話只講對一半。
當普通市民都可以擁有大殺傷力武器，幾乎可以肯定一定會落入罪犯、恐怖分子手上。
相反，如果一個社會有做到禁槍及有效的槍械管制，罪犯只可以從黑市獲得大殺傷武器，罪案會大大減少。
只係使用槍既罪案會減少,換左做其他作案工具.
罪犯會利用佢手頭上可以得到既工具去犯法.
刀仔吉/開車撞/整炸彈,要殺人的方法多的是.
當然,槍以外既方法犯罪成本較高,作案既難度亦都較高,增加左罪犯既犯罪成本,的確會減少罪案次數.
但係掉番轉如果罪犯克服左犯罪成本出來作案, 就幾乎百分百成功 : 因為禁左槍,受害者幾乎冇任何抵抗能力.
咁就要增加警力去補番,比較不幸既是,現在的美國警方由報案去到達現場既時間由4分鐘到1小時不等,
美國警力未多到任何一個地方都可以快速反應既地步.
即係咁,禁左槍,受害者冇任何抵抗能力,罪犯作案時亦都唔需要考慮受害者有抵抗能力,咁所有責任就落曬係警方身上,作為受害者你只有求神拜佛同埋希望警察快d做野.
當然,唔禁槍有唔禁既壞處,罪犯要得到作案工具幾乎冇難度,但係作案時就需要考慮周圍既人可能個個都有槍,對面既受害者可能身手反應仲快過個犯一槍搞掂,咁樣亦都係提升左罪犯既犯罪成本.
其實冇話邊個好邊個唔好,各有好壞
