咁多位師兄大家好，小弟叫呀寶，專長係台灣買wargame嘢，可能有師兄都識小弟，路過見此post，都想分享下，如果有講錯，請咁多位師兄多多包涵
台灣訂airsoft嘢：
1) 主要問題係多數都係收銀行匯款，只有小數收paypal同肯寄香港，當然訂貨者亦要為收貨作出安排，例如收貨地址有無人收件之類。
2) 如果用集運，都係要解決付款問題，而集運如果發現你寄嘢有懷疑，會打開睇，如有問題會充公同blacklist你，而且於果你買果間店唔生性，寄本地快遞時會寫咗寄方店名，咁亦會引起集運懷疑，會打開睇，一睇之下多數有殺錯，無放過。
3) 如果訂槍，特別係gbb，台灣火力限製同香港唔同，收貨人有機會觸犯法例
4) 貨品質素，如果你自己訂，收貨後有咩事，會極難追究，就算追到，你亦要承擔運費，當然亦會涉及要再付款的問題。
5) 所以朋友問我，有嘢台灣買回平過香港，我會話，你計埋運費同風險，未必會平過香港，咁何必慳小小，冒呢個風險？如果香港有得賣，我一定會叫佢香港買。
6) 如果買一d特別嘢，咁真係要自行考慮自己搞，定搵人幫手了
日本訂airsoft嘢:
1) 我試過一次膽粗粗用集運，就中招，集運公司用埋來影相放係news比人睇，話呢d嘢唔可以寄。
2) 日本來港，出口氣槍都會要申請或文件，個人係極難做到的，所以機本上係唔駛諗，普通人難成功。
3) 香港有專門的日本汽槍代購，雖然比較貴，但已包含了運費同保險，如貨品有咩事不能到你手上，代購會負責。
美國訂珍品:
1) 當然可以試集運，不過美國太敏感，而且集運係咁多國家中最醒目，佢見sender係槍店就一定死梗，而佢見你報關有古怪，都會check，我試過ebay買槍燈，係一般個人賣家，而且槍燈無packing。我報稱係hand tourches(手電筒)，都俾集運周到，好彩該集運容許收我錢，幫我寄去美國任何地址，咁我先唔洗total lost。
2) 所以自己搞用集運，風險都相當高。一般大美國軍用品店都唔會出口，而家開始有新checking，如果佢哋見個收貨地址唔係一般住家，佢地唔會寄，唔止係airsoft/軍用品，連dyson都唔得。
3) 如果想美國買airsoft嘢什至氣槍，大型網店e仔係可以寄香港的，當然運費唔平，如果佢有堅嘢唔可以出口，你埋單時會知。
4) 香港亦有獨立人事可幫忙，不過就不至於可幫到一d真鐵零件或套件，鏡果d就唔大問題。
希望小弟的小小睇法同經驗會幫到大家。如有講錯的地方，請多多包涵同指教，謝謝。
[
本帖最後由 sharpshooterhk 於 16-11-2017 01:53 編輯 ]
