我朋友數年前投資過內地樓，無他，平，幾十萬有間，
但投資完先發覺有些問題 ( 當時未有樓災 )，
首先係唔易放租，因為內地唔似香港甘「搶手」，香港九屎垃圾房都有人租，大陸無就係無，
而且管理公司話維修你基本上無SAY，話壞左冷氣塞左渠，唔通你真係日日番去查真定假，
很大程度管理公司可以黑箱作業，總之就是很多事情隔左個岸就係有管理困難，
最後我朋友見樓價升左些就放了。
同理，日本樓，早幾年廣告賣到開巷叫人去日本投資，
我朋友一來買不起甘貴樓二來會將之對比大陸樓管理的經驗，港日隔了二千幾公里，我會用同一個心態去看待，
可能有人賺到錢，但管理困難這個問題一樣存在。
老老實實，投資從來都係自己既事，輸錢唔需要人可憐，嬴錢唔需要人羨慕，
賺到係你叻或者食正風口位，賺唔到可能係你蠢亦可能比人裝彈弓，但呢D 野投資前就要做足功課，唔係「人地」話賺就係賺。
投資有風險，唔想狽風險就唔好投資，
輸錢就人人都話要求賠償政府插手總之要有人負責，嬴錢呢？ 是否又分番一半比政府？
輸左永遠話自己無辜，賺到錢就一定係自己醒目，見怪不怪。
[
本帖最後由 Dave 於 30-6-2024 19:10 編輯 ]
