期望是個夢嗎?
期望,好多野發現之前自己都有期望
小學o既時候,老師成日講"第日你係中學識o既朋友會係你一生中最好最知心o既朋友"
我對此真係有過期望,明顯我發現唔係
眼見大佬畢業咁耐同d中學同學仲咁老死,不禁諗:唔通係我問題!?
身邊o既朋友9成9都係對人做人樣,對鬼做鬼樣
佢有求於你,你就一定要幫
你有求於佢,人影都冇埋,我都係想搵人傾下心事
幾經辛苦,算叫搵左個叫可以聽下我講野
我有心事同你講,都期望你會試下理解我,開解下我
但每次我唔開心o既時候,佢就會話我消極
之後就一輪咀咁講講講講講......
或者期望有人會試下理解我,開解下我已經係過高
但都最少比我講完先吧?
聽一個唔開心o既人講哂佢有咩唔開心真係咁難?
永遠結尾就係叫我自己諗自己,講得多佢都覺得自己煩
甚至佢果d回應我未再回應就已經"完"
好多人同我講 有咩唔掂,唔開心要講出黎,等人可以幫下自己
但好似我講出黎係自討苦吃,比人鬧番轉頭
我唔講出黎,呆下呆下又比人話我呆,影響到人
咁我可以點?
就黎考試,我發覺自己唔多掂,我發覺自己有心冇力
換黎o既係"你有幾多野要做呀,要用幾多力呀,我留係學校做野留得耐過你la"
我期望有人可以幫下我,這是個夢嗎?
小弟表達能力不好
不喜勿回
[ 本帖最後由 匿名 於 21-11-2011 19:52 編輯 ]
