如果你想由零砌一支槍，我當你波箱買現成，你講唔講得出仲要買咩零件？ ( 唔準上網找資料 ) ，
我當你 2 號波箱最通用的，加個M4 身，之後仲要嘜？
答唔出的話最好老老豆豆買支現成吧。
最簡簡簡單買完支槍到你手痕爆波箱換彈箱，你合得番個波箱打得到先算。
新手區偶然都有D POST 話「哎呀我爆完波箱合埋射唔出」更甚者「我爆完波箱合番開槍，出煙！」
之類.. 是你的榜樣。
你初玩如果筆直又OK ，買番支日本仔槍，工藝係唔同D ，
自己手上一堆槍，唯獨MARUI 果支打左 6, 7 年仲係虎虎生威。
當係交保險也無不可。
而另一大前題係，D 槍，打慢頻，打得細力，永遠是長壽D。
因為機械因，壽命同佢使用頻率直接掛勾，呃不到人的。
至於射幾槍就掃鬼左果D 唔關耐用度事，跟本就係設定錯誤。
國狗係平，但建議新仔唔好買，因為國狗真係唔執唔得，你唔執，射得慢，彈道亂飛，HOP UP 不穩已經是通病。
唔執照打冇問題，但你預左D 子彈射出去是亂飛的。
我亦改過國狗槍，SET 完齒落完油抹乾淨槍管，果時都是用來隨便打，沒改件，
彈道就是 20 米距離目標已沒信心一槍擊中，HOP UP 一定要換，太爛了。管就不一定，有D 也可以將就用。
當你冇信心20 咪距離一槍打中半身，感覺真是同連線GAME LAG 機一樣感覺，聽天尤命。
一支SET 得好的AEG，30 米一槍打中半身是基本。
