23 12
發新話題
打印

邊間廠M4好?新手想買黎打game

引用:
原帖由 kornhill401 於 10-3-2018 14:47 發表


請教C Hing, 如何從包裝上,得知所買的BB彈的硬度呢?多多指教.  Thx for sharing.
前面底果part
如果tick左gb4025w
40係硬度 50應該係最硬但好似已經買唔到
25係0.25g
w係白色

TOP

50 是最高硬度,的確今天好像買不到了。

前年我有包 GB5025, 但發覺它旋轉力好像太強,容易高炒,所以至今仍用 GB4025,無往而不利

TOP

引用:
原帖由 olw0978 於 10-3-2018 15:48 發表
50 是最高硬度,的確今天好像買不到了。

前年我有包 GB5025, 但發覺它旋轉力好像太強,容易高炒,所以至今仍用 GB4025,無往而不利
其實40都好硬 一般剪刀大力剪落去都剪唔開
但點解同樣重唔同硬度打出黎有分別呢?

其實我都想轉打0.28 0.3 但又好似冇呢種硬度

TOP

引用:
原帖由 jn_jona 於 10-3-2018 16:04 發表

其實40都好硬 一般剪刀大力剪落去都剪唔開
但點解同樣重唔同硬度打出黎有分別呢?

其實我都想轉打0.28 0.3 但又好似冇呢種硬度
我想應該其實不難理解,Hopup 的原理就是利用彈丸反向的旋轉來製造向上推力(Magnus effect),從而對抗 gravity,由於橫向只受空氣阻力影響,於是彈丸射程增遠了。

彈丸的向上推力是跟角速度(angular velocity)成正比的,所以旋轉速度越高,向上推力會越大。

而造成旋轉速度高的原因,取決於:

1. 彈丸本身旋轉時自身表面跟空氣之間的阻力,表面越光滑阻力自然越細
2. 彈丸表面跟 hopup 膠接觸面之間的磨擦系數改變了,更容易令彈丸旋轉,所以轉得更快

由於可以轉得更快,於是更容易高炒了。

TOP

引用:
原帖由 Dave 於 10-3-2018 14:00 發表


1 - 輕彈有氣泡並非必然,生產工藝問題而已。
而且生產過程中亦無法控制氣泡大小位置,必然導致粒粒重心不一。

- 錯了,氣泡位置是可以控制的,君不見BB 彈氣泡位置粒粒都大同少異在中間?
如果是工藝問題 ...
BB彈中間嗰空洞,真的只是生產時排氣唔完全所致,非什麼精密設計。
一個簡單的注塑模具,有何能耐控制每次包覆的氣體大小位置?

用ABS填滿一個6mm球體,以密度1.05g/cm^3嚟計,填完都係0.12g。
要點樣先可以整到一個0.2g的波出嚟?

好簡單,加石灰、BaSO4配重,加Silane Coupling Agent粘合,強度弱咗加塑化劑補返。
至少我知道的BB彈生產方法係咁的。
不過小弟非行內人,有錯隨便插。

既然有配重的方法,點解要仲靠氣泡配重?

生產完出嚟粒BB彈性質如何,好大程度同粘合程度同塑化劑比例有關,
而非什麼「密硬空心」、「稀軟實心」。


再講氣泡。

老實講,前前後後於唔同地方為呢類討論,剪過唔少CA同KSC彈,
實在見唔出師兄的「粒粒都統一置中」究竟係講緊咩。
懶得再剪,單講我上面的樣本。


KSC彈,五粒彈裡面有一粒有明顯大氣泡。


CA彈,得右一粒的氣泡係正中的,其他大小位置各異。
左一,左二同下面更是偏得明顯。

如此「被控制的成形結果」,似乎不甚受控。

至於氣泡影響精度,似乎亦係氣槍常識。
首先,氣泡對BB彈的影響,唔係就咁用體積比,或者之後唔知點得出的重量比計的。

假設一粒BB彈+氣泡共重0.2g。
氣泡密度等於空氣於25度,直徑1mm。

氣泡就重(4/3)*pi*(0.0005^3)*1.1839 = 6.20*10^-10 kg
而膠料重量等於0.0002-(6.20*10^-10) kg
其重量比絕對唔止1/200。

不過膠料與氣泡的重量比同BB彈重心其實係冇關係的。

重心同BB彈膠料的質量與分佈有關。
要搵重心,也只是研究膠料的質量與分佈,而非什麼重量比。

可惜小弟只係幼稚園生,亦唔識用任何3D軟件模擬。
講唔到球體若有非正中的空洞,重心會差幾多。
亦估唔到一粒重心非正中的球體係馬格努斯效應下,其軌跡會偏離幾多。
但我會覺得一束粒粒重心唔一樣的BB彈打出去會好散。

不過小弟唔打CTC,拎唔出任何有意義的實際數據。
但見全世界似乎都相信有影響,亦偶然閱得台灣班2J30米做的對比,
咁小弟唯有信著先。

不過亦歡迎師兄提供任何新的理論或者實驗數據。

[ 本帖最後由 新手一隻 於 10-3-2018 23:48 編輯 ]
別人笑我太瘋癲......
佢地又啱喎。

1 個讚好! TOP

引用:
原帖由 新手一隻 於 10-3-2018 23:36 發表

BB彈中間嗰空洞,真的只是生產時排氣唔完全所致,非什麼精密設計。
一個簡單的注塑模具,有何能耐控制每次包覆的氣體大小位置?

用ABS填滿一個6mm球體,以密度1.05g/cm^3嚟計,填完都係0.12g。
要 ...
先感謝你打咁多隻字

但仍然解釋唔到為何螢光彈無氣孔,普通彈有氣孔。既然是生產不良,為何又會只發生在某個系列?

亦解釋唔到為何氣孔不會存在於表面。而在下相中所見,CA 彈切開基本上都是置中,只是師兄不承認。
如何做到或者可以EMAIL 問下BLS 廠,專家也。

至於重量比不用計到「空氣重量」咁跳線,直接將氣孔空間/ BB 彈體積即可。即是1/200 。大可以將空氣部份當做 ZERO 克。
在下不是專門,只是以常識推論,1/200 的重量而且「相對置中」卻足以影響重心再令彈道失控,以在下常識推論,不大可能發生。

至於2J 30 米根本不可能用0.2 克彈吧...讓賽乎?

事實就是事實,在下有用開0.2 豆打大場 ( 主要是0.2 克AEP 手槍 ( 0.5J ) 配0.4 克狙 (1.9J )),彈道以肉眼判斷談不上「差」,
AEP 手槍擊中二十米以上目標不單一次,但師兄要以「理論」再推倒「現實」,強行說這個氣孔影響甚大必然打不準,在下除了「事實根據」之外並無別的資料可供參考。
不信就不信好了。
相比事實,師兄似乎更迷信權威,甚麼:「至於氣泡影響精度,似乎亦係氣槍常識。」、「但見全世界似乎都相信有影響,亦偶然閱得台灣班2J30米做的對比,咁小弟唯有信著先。」...
「常識」云云,說來很有說服力,但有沒想過這個「常識」可能是由許多像師兄一般「信住先」的人組成的呢?

[ 本帖最後由 Dave 於 11-3-2018 00:23 編輯 ]
原創小說:黑鷲

http://ck101.com/forum.php?mod=viewthread&tid=2660842&extra=page%3D3

TOP

引用:
原帖由 Dave 於 11-3-2018 00:16 發表


先感謝你打咁多隻字

但仍然解釋唔到為何螢光彈無氣孔,普通彈有氣孔。既然是生產不良,為何又會只發生在某個系列?

亦解釋唔到為何氣孔不會存在於表面。而在下相中所見,CA 彈切開基本上都是置中,只是師兄 ...
CA彈之質素與工藝,為何不問CA要問我?

至於見住幅相都可以話氣泡係正中,我只能寫嗰服字。
又或者師兄認為只要氣泡唔係粒彈表面,搞到月球表面咁就叫正中。

至於點解氣孔不會存在於表面,
模具設計嗰陣,應該都有考慮排氣。
而係表面的氣體要走,點都容易過被膠料包覆的氣體。

就算嗰模真係好有問題,或者啲料、工藝極差導致表面有真空泡(不過都應該唔會),
呢啲月球等級的質素,大概會死係QC過程中。
街外的我們理應係見唔到的。

不過向BB彈廠家請教倒是嗰好辦法,也省得我呢個唔知頭唔知路的9up。

有結果再覆。
引用:
至於重量比不用計到「空氣重量」咁跳線,直接將氣孔空間/ BB 彈體積即可。即是1/200 。
大可以將空氣部份當做 ZERO 克。
全錯。

首先,「1/200 之的重量」,加埋「私家車同米」的比喻係你在13樓講的,重量比係你提出的。
其次,重量比同體積比係無關的。體積比係1/200唔代表重量比係1/200。
再者,將空氣當做0克,係計唔到重量比的。因為0無法作為除數,而0被除只會係0。
仲有,無論係體積比定重量比,均與重心無直接關係,因為重心唔係咁計的。


至於2J30米,我講緊氣泡對精度的影響啊。邊個同你講0.2g。

而且根據師兄的「私家車同米」,重量重所以唔怕少少氣泡會有影響,
咁班打重珠的2J30米的人點解仲要執著於氣泡?明明已經好重,有氣泡理應冇影響o架。
難道又係廠家宣傳策略?

肉眼觀察四字亦是絕。
師兄尚不能對圖辨氣泡偏心,何談辨彈道好壞?
又或者大家對好壞的定義可以完全唔同。

迷信權威四字,小弟也覺得我大體當得上。
只是人地有CTC結果,而小弟觀彈道不能辨其grouping。
咁唔信佢信邊個?
有能力我都想乜都自己試下嗰結果先,但我冇能力。

我也不想的。

[ 本帖最後由 新手一隻 於 11-3-2018 02:08 編輯 ]
別人笑我太瘋癲......
佢地又啱喎。

TOP

就小弟過往剖析 BB 彈的經驗及對 injection moulding process 的瞭解,上幾層新手兄所述的基本都對,但要補充一點是,KSC 其實也是 BLS 代工的,而 KSC 的品質各位有目同睹,跟 BLS 牌都兩碼事,明顯是規格及製程不同的結果。

小弟對 BB 彈尚算是有要求的,任何氣泡我都是不能接受,不管是否細少或居中,明顯就是 defect,要防止困氣或做梳氣的方法多的是,要做而不做或做不好,死罪也!

關於 BB 彈,其實不想在此太多言,免得騎劫樓主的主題。

TOP

 23 12
發新話題