鬼故
有一個經歷，想同大家分享(Not by me)
話說o係十年前，家住舊式唐樓，外型雖然舊，但走廊光線尚算充足，從家裡窗外望出去，樓下係一個露天停車場，有一日黃昏時間，我行近窗邊準備收衫，一邊收，一邊望向露天停車場，忽然…我見到有一個黑影向我方向望上黎，由於係冬天，所以個天黑得特別快，6點左右已經開始暗，雖然家住2樓，但根本睇唔清那個人影既面孔，好矇糊，我望左佢十秒左右，見佢完全無郁過，而且視線係向住我方向望上黎，我立刻回頭望一望屋自己裡面，定一定神，隔幾秒再轉個頭望落去停車場，個黑色身影既人依然無郁過，今次感覺佢好似望住我，而且…今次佢手上面多左樣野………一個好似人頭既物體，我果刻開始標冷汗，扮時運高睇佢唔到，再隔左十秒鐘，我見到佢身體開始郁動…呢一刻，最意想不到既事情，終於發生響我面前
…………………………………………………………………………………………………………………
條友帶返個頭盔，騎住架電單車Woo Woo聲走左，!@#%^&*，嚇死人咩！
