【車Cam影晒】紅隧強攝車罅撞跌鐵騎士 網民揭司機疑是教師
紅磡海底隧道昨日發生一宗交通意外，意外被車Cam拍下放上fb，事件引起網民極大迴響。
昨午4時許，一輛電單車在紅磡海底隧道管道內快線，跟在車龍中間往九龍方向行駛，其間尾隨一輛私家車突如攝車罅般從右邊強行爬頭，電單車被逼向中間雙白線，夾在慢線一輛中型貨車與私家車之間，再撞到電單車至人仰車翻，鐵騎士在兩車之間打滾，險遭貨車轆過。但意外後肇事私家車並無停車，沿管道駛出紅磡出口收費亭，整個過程被私家車後方的客貨車車Cam拍下。
腰部輕傷的鐵騎士沒有大礙，扶起電單車，並駕車聯同客貨車及貨車，一同追至收費亭前截停該私家車，客貨車司機落車上前協助。警員接報到場調查，救護員將54歲姓趙鐵騎士送院，40歲姓林私家車司機在場助查，初步調查相信私家車撞石壆後再撞倒電單車，警方列作交通意外案件處理。
客貨車司機將車Cam片段交給警員，並放上fb，留言指「呢D正敗類，撞反架電單車走咗去，追到你一時又話冇撞過車，一時又話架電單車爬頭，我影晒你啦！吹晒水，條交通警睇完條片都叫條友無謂再撐，再問佢做邊行，原來係教書，教壞學生就係呢D敗類！」
網民看過片段後劣評如潮，紛紛指責私家車司機的駕駛態度，有不滿網民更起底，懷疑私家車司機在港島南區一小學任職，有人更發電郵給學校，指涉事老師意外後不顧而去欠缺責任心、表達對事件的不滿。
網民部份留言:
Gobeebog Leung：真係好危險呀。差d就會車到電單車司機。
Ken Ho：tunnel可以過人既咩！
梁建邦：咁樣比你走得甩仲得了！
ChiChi Angel：咁樣撞開人地，都可以當冇事，咁都得架咩！
Clora Chow：左線大貨車都立即閃燈加追車，好醒！
你敢爆，我敢獎！ 即Call《蘋果》24小時爆相爆片熱線：63836568
