香港既小艇隊成立之初係師承42 RM同RN, 當年人蛇係深圳河, 后海灣偷渡, 個度多係沼澤, 紅樹林, 同淺灘, 水警輪入唔到, 而水警人員亦未接受過淺灘沼澤航海訓練, 故尋求RM 42協助成立及訓練。
而係90年代走私熱潮的確令SBD好頭痕, 原因係因為當時內地大飛以量取勝, 下下都3-5部275係船尾 , 另外香港內港又狹窄又多船, 灣位又多, 而且"賽道"短, 一離開香港海域界線就好易變成外交問題, 小D功架都唔店。又加上當時好多大飛都有加鋼板同鋼尖係船頭, 係大飛潮前期好多人員傷亡, 所以當年就聯同陸上CID, 海關, RN 同輔助空軍成立ASTF反走私特遣隊, 負責追截走私活動。除左面對係同走私客既糾纏, 仲要面對內地公安邊防既麻煩, 97前大嶼山分流以北至大澳對出已經係內地水域, 試聽過當年追船追到同內地公邊對峙, 1支MP5 幾支GLOCK對十幾支56式, 而且當時有一些走私客實為內地公安既PART TIME, 一出邊境就著紅燈吹雞, 你估當年真係咩都有英軍支援呀, 咪又係自己面對。
直至中期先向外國買一些專係FOR執法既高速船, 再加上97回歸同內地反映過走私問題, 大飛潮先步入尾聲。
