引用:
原帖由 RGM-111 於 7-1-2010 01:53 發表 
軍版BHP 
小弟查閲資料后發覺……軍版定民版其實唔係o甘分嘅……
部分整理下二戰同戰前嘅情況：
比利時軍隊定購嘅就有固定后准同標尺后准兩款， 配用槍套亦唔同，部分固定后准版本有槍繩環， 標尺后准版基本都無槍繩環
智利軍隊定購嘅， 据信全部都係固定后准版。
立陶宛(稍候為蘇聯接收）全部都係標尺后准，有挂槍繩，但唔係用環，而係握把底一個鐵框。
芬蘭定購嘅， 全部都係標尺后准，無槍繩環。（Marushin嘅木托連皮套其實同芬蘭款一樣，而同FN工廠資料上嘅“標準款”有區別……）
法國戰前定制樣槍：標尺后准，有槍繩挂環，不過唔係側面而係握把底。
德國佔領后繼續生産嘅， 兩款都有，不過無見確實係德佔時期生産嘅有槍繩環
中國戰前訂購嘅，並非政府訂單而係私人或者軍閥通過洋行定購，因此應該算係民版， 兩款后准星都有， 槍繩環依買主選擇， 不過通常都無。
戰後軍隊訂購嘅通常都係固定后准版本， 英聯邦國家訂購嘅多數都有槍繩環，但其他國家嘅許多都無， 同埋槍繩環分比利時款同加拿大款，係唔同嘅。
60年代又生産過款可調式標尺后准嘅， 不過内部結構已經係1965年后嘅B款（唔明嘅，對比下tanaka mk3 同 1935就知）， 呢款卻完全係民用版。
[
本帖最後由 La-9 於 7-1-2010 18:16 編輯 ]
