引用:
原帖由 Hkpolice-Psu 於 24-11-2010 23:18 發表 
i just want to say, there are not just only you have to live 'with' mainland. Me either.
Of cx i'm definately sute what i knew and what i learned in mainland.
The power is the only way in mainla ...
官員天堂? 你屋企有人係大陸做官經商咩?
人民地獄? 你係大陸當過普通人民咩? 或者你覺得香港or其他咩地方就係權力地獄，人民天堂？
都係果句， 凡事無絕對， 任何事都有2面。對住件你一世都未必攪得明o既野，想用一句話去概括， 35歲前都仲可以叫做血氣方剛年輕氣盛，35歲後就難逃一個“井底之蛙”,唔客氣d仲要加多個“鼠目寸光”了。
許多港人覺得自己係大陸住過陣,係大陸工作過,有親戚係大陸就覺得自己好了解大陸, 但其實連香港都未必真正了解, 更惶論複雜許多o既大陸社會。
官員天堂， 係o既， 大陸d官員確實錢又多，辦事又方便，不知幾多人羨慕，但，做官就等於係天堂麼？
凡事都係有好必有壞,有得必有失，你知唔知許多官員,尤其係市局級以下，真係做野果班一日訓唔夠6粒鐘， 一月返唔到屋企幾日，等40，50歲熬到“領導崗位”官做成功了， 結果子女成社會敗類了,退休之後，子女一事無成，養活自己都成問題。許多官幾十年勤勤力力做野，原本好煙都舍唔得多抽一根，臨到退休眼見自己以前唔得閒管教子女， 結果子女年入中年都仲係渾渾噩噩，不得已咪走去貪錢嘍~~~最後落得個自己晚節不保身死名裂， 子女更加無依無靠又無法自立，全家完蛋~~~
官越高， 確實油水越多， 但，你地又知唔知官越大同時掉腦袋機率也越高？得閒數下內地既新聞公報上處理貪官o既數目同級別啦~~~~~平時風光係風光， 但腦袋吊住係腰帶上o既感覺， 你又能有幾開心呢？普通人生活再唔如意， 斷估老豆放工返屋企對住個11，12歲既仔喊住交代身後事都係極其罕見卦？但我細個就係同學屋企見過4次之多， 仲有個中學同學父母祖父母一日全部俾處決， 要藉住班主任屋企。 o甘樣假如俾個官你做， 你會真心實地o既願意麼？你知唔知許多青年公務員， 係政府做佐10年唔到就紛紛削尖腦袋往大公司，大學跳，錢少許多都走？唔係驚升唔到職亦唔係其它，為佐有個穩妥o既屋企同下半世姐~~~我老豆80年代碩士o岩o岩畢業，幾家政府部門爭住要，30幾就做到地級市市委副秘書長，按理係前途無量啦，咪照樣急流勇退去大學做研究？當年留係機關幫舊同事，依家唔係坐監就係渾渾噩噩等退休，得一兩個風光當緊領導而已,而且風光咪都係面頭風光? 50幾歲人, 個樣似60歲, 仲要係用佐勁多化妝品之後先似60歲, d化妝品仲要係我係香港買o既~~~~
老百姓同香港比， 係過得差d， 我幫舊同學， 咪一樣羨慕我用ipad iphone4 htc hd2， 拍照用7d， 筆記本要17000一部，仲有大把槍可以玩， 而他們一個月得個3千幾4千幾人工，用d國產“小靈通”，同我一樣嘆緊物價飛漲……但，人地住間房大過我成個單位哦！人地返工朝9晚5，4點半就可以執o野準備走人， 人地開工可以嘻嘻哈哈， 吹水打牌， 我地得咩？人地日日抱怨樓價貴，但月入幾千都可以買房買車， 仲要買1000尺有900尺實用面積就可以抱怨話離譜， 而我地呢？ 1000尺新樓單位想有900尺實用面積？發緊夢咩！唔少大陸市民覺得香港生活質數麻麻， 唔稀罕香港o既生活， 你以為o甘樣講o既全部都係官眷咩……
班農民生活係我地眼中係慘d，醫療教育都缺乏保障， 但同時人地大多數有大屋住， 身體健康，唔缺乏鍛煉，日常生活無壓力， 我10月頭去屋企新開家廠， 係安徽省最窮既縣中既貧困鎮， 揸車幾粒鍾先到， 水泥路都無條，咩q野物流公司都唔到果度， send批物料過去攪到我爭d發癲~ ~~~係果度手機有信號我都已經覺得係奇蹟，開家廠係度，d鎮長縣委書記開心到哇，三天兩頭來囑咐村幹部配合好生產， 但， 我地開俾d工人沿海地區90%o既人工，d村民唔少寧願做完農事hea係屋企曬太陽都唔係好願意來做工， 人地仲覺得自己生活輕鬆愉快tim~~~~
你以為你有理由認為人地生活係地獄中，人地咪一樣覺得你生活係地獄中~~~~~~所以看問題，永遠唔好太片面啦~~~~
呢度唔少人都識我既，亦都知我係咩人， 都係果句， 我理解許多香港人對大陸之偏見係長期以來形成，根深蒂固， 同時既唔願意去真正了解，亦唔願意去改變看法， 所以既然總版主你已經講出你個看法， 我都唔想再講d咩，雖然你個看法在我看來系幼稚可笑，但我尊重你既自主思考權。
[
本帖最後由 La-9 於 25-11-2010 12:50 編輯 ]
