引用:
原帖由 sumandy 於 9-1-2010 02:52 發表 
我覺得似21吋!
好似大陸都係犯法野黎ga woo
以我所知，内地部分城市對刀具攜帶出街有長度或者結構上嘅限制， 超過某長度或者擁有某种結構，例如放血坑等即視作“管制刀具”， 伸縮警棍（内地叫甩棍）相對管理要更鬆。
其實查過内地對管制刀具等冷兵器嘅法律，發現只不過有公安部80年代頒佈嘅，内容相當寬泛嘅“條例”而已， 並非法律有具體規定種類與特徵， 並且要求各地的《治安管理處罰條例》依照本地實際情況進行定義，因此各地標準都唔同。不過通常擕有管制刀具都不過觸犯治安條例而已，無其他犯罪情節嘅話唔會受到司法制裁而只會受到簡單嘅治安處罰。
係網上也都認識幾個係内地治安較差地方生活嘅朋友， 人地都話帶棍防身好過帶刀， 當地治安差嘅，你帶棍警察見到都唔怪， 帶刀嘅話好容易俾懷疑你有所企圖。
另外据有遭到打劫，成功擊退匪徒嘅師兄講，棍唔比刀有攻擊性，因此如果襲擊方空手， 你用棍防身屬於正當防衛， 如果對方空手你用刀嘅話，事後你可能會好麻煩， 因爲你拎刀出街本身已經有問題，刀對空手則有機會構成“防衛過當”。
