首先，如有得罪，請多多包函。
雖然我年紀不是很大，但我都經歷過On her majesty's service 的年代，亦都在英國生活了一段時間。而現時亦在一間英資公司工作。亦因為這樣我有以下的睇法：
在制度和工作上(不論法治，管理學上)我某程度上較為認同英式的方法，原因好多時好多情況都有法可依，有理說得清。只要你有point，你ge上級會聽，會分析，會配合，而同事之間也較少黨爭，因為大家都想件事好，而不是只為自己的利益好。相反，當我和自己suppose"同聲同氣"的人共事時，每一日都有人同我講"Deal under table，埋堆，拍膊頭"這些理論，有時我覺得人脈係重要，但去到一D地方，我真係接受唔到"人治"唔係"法治"。同埋有樣野，我最唔鐘意就係"一言堂"，老闆永遠係啱ge!!!，好可惜事情唔係咁。有時想講真話，身邊就有人話"槍打出頭鳥、識時務者為俊傑、不在其位 不謀其政。補住飯碗緊要，佢錯咪由得佢錯lor"等等的理論。有時我覺得咁樣做人做事，真係永無進步和突破。係依家lee個社會，我深信"不進則退"，慢慢就會被淘汰。
在歧視方面，老實講，不論在英國生活的日子或在公司上，都試過無數咁多次，原因不外乎，出現於文化差異和溝通的誤解。但係好多時，只要大家行多步肯傾同講，歧視問題，係有機會解決。相反，我想問下大家，suppose"同聲同氣"的人無互相歧視嗎？Lee 種歧視最慘係好多時建基於"貧"與"富"。解決佢？有時，我覺得仲難過登天。
最後，我想講，我唔係話邊一面特別好與唔好，以下只是我得睇法，如有得罪，請多多包函。多謝。
