小鬼182

引用:

原帖由 yiuyiusiu 於 31-7-2014 01:19 發表
K car 我會要1.2swift棍仔 始終鈴木同H做開公升級26跑車 做KCAR機器唔會差

Swift要1.6會正D喎~~~ 不牌費又貴D,仲要唔係咁易搵到二手掍仔靚盤………
btw,秋水哥,H記出咗部新fit仔RS版,1.5有成一百三十幾隻馬仔,諗得過~~

小鬼182

引用:

原帖由 yiuyiusiu 於 31-7-2014 07:26 發表

共實小弟細細個未做負資產前都叫有玩下型格同掃把, 而家謝晒皮快小小都腳震
FIT仔多電子野電子油門加OEM電腦...慢 H黎講舊1.5機器都唔止130,渣H玩AT難開TEC又唔好玩晒左份火箭筒,
車身輕又高行吐露巷大風小小都左 ...

哈！！講開玩tec,我以前都玩唔少,不過我果D玩唔係揸,而係砌！！以前廿歲頭入咗間車房做改車,頭一個星期已經要我拋光一副b16盤頭生死氣……做咗成年,經我手一手一腳打散大修再砌番埋嘅6,b18機器不下三十副！！多個我玩槍數目！！由普通原裝機到落場全toda料都有！！不過我只係負責打散,盤頭噴沙,生死氣拋光,嘩佬磨合,拋中缸,再砌番埋……之後留番俾師父教cam………所以你而家叫我玩dc,ek,eg就真係咪搞我啦……見到都驚人……而且人大咗,唔想揸D十幾年牛飛……k20a嘅cl7都仲有得諗~~

小鬼182

引用:

原帖由 2slow 於 31-7-2014 09:51 發表
B18都搞過
唔知依家EK9值幾錢呢

其實B16同B18分別只係中缸同兩條CAM度,其他零件根本一樣,兩者可以通用到~~而"R"機器就有更深角度嘅CAM,活塞係尖頂,活塞連桿同曲軸都輕D~~
而家EK9平均都係4-6皮野左右,但靚盤難搵,保險貴到PK,過路障實有你份,遇啱果期呀SIR捉大皮,見到你部"大踢"或者"R"野,路過鹿頸都會捉你去驗,永不落空.....玩車玩到咁為咩呢.......所以我先會話唔會玩依D咁自找煩惱嘅車(反而CL7外表斯文好多,無咁易中招~~)~~
而且而家已經有好多好玩辣野選擇,尤其歐美近幾年有唔少依D車出,快又快過H車,品味又高檔D,又少鬼祟野~~好似上年各車書(包括TOP GEAR)都大推嘅FORD FIESTA ST就係一個好例子~~

小鬼182

引用:

原帖由 tango1997 於 31-7-2014 11:35 發表

cam搞錯小小。。。成副玩完

係！！所以較cam係好高深嘅學問,果時見師父較一副機器要成日,一較錯少少就四個盤重新歸零由頭較過……但較得靚副機器真係好唔同！！“是撈“車副車頭唔聽聲以為無著車,因為真係一D都唔震！！而且依套手藝係香港唔係咁多人識,我都好後悔點解當時唔跟師父學………

小鬼182

引用:

原帖由 2slow 於 31-7-2014 11:45 發表


揸棍波係男人的浪漫嘛
基本上B16就是B18的奄割版啦

我講果部FORD FIESTA ST就係行傳統掍波~~基本上現時我認為現今性價比高嘅掍仔玩車：10皮以下1.6swift,10-15就cl7,15-20就FORD FIESTA ST,20皮樓上就有大把選擇~~

小鬼182

引用:

原帖由 tango1997 於 31-7-2014 16:15 發表

教得靚行順係可以好定。。。套手藝。。。易學難精 。。。題外話。。。D行外人以為整机器好汚遭。。。其實相反。。。修理引擎。。。百份百要絕對乾淨。。。一條布碎纖維都可能會好大獲

係呀~~剩係清洗乾淨成副車頭內外零件全個工序都差不多要成日外加兩筒白電油同牙刷,洗完嘅零件要包好密封,要日日打掃地方,砌番副機器前要確保成個地方係乾淨（pro啲嘅會有專用衡溫無塵房嚟砌車頭~~）,大修車頭工序多,時間長（一副車頭至少要成一星期去大修……）,價錢貴（9成錢係賣手工……）……所以唔係好多車房有做（又或者係根本唔識……）,佢地見你副車頭難救多數都係叫你換車頭算……但講真,換新車頭又貴,二手車頭又無保障,俾我情願大修副番舊車頭好過………起碼你見到副清潔得咁乾淨嘅車頭都會信佢係精神嘅~~

小鬼182

引用:

原帖由 阿堅 於 1-8-2014 01:12 發表

其實咁搞一搞要用幾錢？

睇咩車頭,當我以前做學嘅6,b18車頭計,剩搞盤頭要7k,全車頭翻新約12k,較埋cam多2k,放底部車約一星期,加料（如：改裝件,副車頭有特別問題……）另計……不過依個係8年前嘅價,而家唔知（可能要一個開……）~~

小鬼182

引用:

原帖由 051039 於 31-7-2014 23:49 發表

又學到野啦

我依D都係學得果半筒水架啫………

小鬼182

引用:

原帖由 阿堅 於 1-8-2014 03:06 發表

不過整車真係好睇師傅手工，宜家好多一係呃水，一係手工差

其實宜家飛開都係H,唔飛H車
仲有咩選擇?
EVO同掃帚又點睇?

蝸牛快腳軟,尤其而家咁嘅天氣唔落雨飛十分鐘已經無咩力………其實而家飛日本仔車已經out out地嫁啦……一係mk仔一係無咩錢搵D十幾年日本街飛玩……而家真係街飛果班有好多已經轉玩歐美辣野,剩係一部golf gti 06車都係十皮唔洗,又斯文又飛得,低壓蝸牛又慳油又夠馬力,仲無咁易壞,dsg波箱轉波快過職業車手,拖波會自己做H&T……咁嘅價錢唔選佢選露荀同掃把仔一係就好mk,一係係就仲以為街飛係日系車當道……其實會做成咁嘅現象一來係近依十年歐美各廠都積極開發高性能低價入門跑車仔（就係一部golf gti所帶起嘅潮流……）,相反日本果邊近十年真係講得上街飛嘅車真係一隻手都數得晒………露荀出到10代都無再出,連出名做街飛嘅H記最新果部街飛都講梗係07年車嘅FD2……而家仲買梗廿幾個……咁嘅價錢而家有大把好選擇……此消彼長下歐美街飛會越嚟越當道,日本街飛只會慢慢息微………

小鬼182

引用:

原帖由 tango1997 於 1-8-2014 09:54 發表

跟本唔識。。。。既情況極高

咁依個真係唔怪得佢地,就算你而家叫我大修副車頭我都做唔番出廠時咁好,原因好簡單,因為無“天書“……打散副車頭再砌番係好易嘅事,只係要花時間,但無“天書“睇一副車頭嘅數據點都無可能修得好副車頭,剩係D杯士螺絲盤頭螺絲第一扭同第二扭磅數係幾多,杯士grip位最佳數值係幾多,依D數據款款車機唔同……無“天書“根本唔會知……（除非你好似我咁一年整三十副同一款車頭……不過我而家都唔記得啦………）

小鬼182

引用:

原帖由 阿堅 於 1-8-2014 11:35 發表

蝸牛快腳軟既意思係點？

蝸牛嘅扇葉係吸死氣再做生氣,但死氣係好X熱嘅,雖然有制冷系統,但不斷加熱會令渦輪機結構有所改變,渦輪扇葉軸心遇熱發大拖慢扇葉轉動速度會令渦輪機效能下降,依個就係所謂“腳軟“……越舊同越高壓嘅渦輪機越快“腳軟“………

小鬼182

引用:

原帖由 tango1997 於 1-8-2014 14:13 發表

近年我度新引入左部德佬V16引擎。。。三條德佬加一個星州佬泥交貨試機。。。刀係搞唔掂 。。。四個裡面。。。得星州個老師傅叫似樣D 。。。有D料到。。。嗰三個德佬投晒降

嘩！！秋水哥真係勁！！16個盤都有得玩！！！堅！！！！