大家好, (講下d background先)小弟平時有同fd打下wargame, 不過一直都係租槍玩, 而家決定自己買套野返黎長玩, 同埋除左打wargame又想平時手痕時可以打下靶打下汽水罐. 槍方面睇左一排, 岩岩睇中支屍A 416 EBB, 主要原因係:
-想買支有番咁上下真實感既: 呢支我貪佢有blow back, 同埋係金屬槍身(有手感; 重量方面我都handle到)
-係真實感同實用性之間攞到個balance: 呢支有blow back有金身又係電槍, 而身邊d fd又係玩AEG既, 加上玩GBB既成本又貴一截, 所以rifle唔會諗GBB
而家有d問題想請教一下各位師兄:
-呢排追過下d舊post又search過相關website, 見屍A d評價都唔係太好, 但又睇到呢次佢個EBB系列都有d幾正面既評價, 所以想請問以$31XX黎買支屍A EBB, 買唔買得過?
-我見有post話馬記都有出EBB, 質素比屍A好. 想請問馬記既EBB幾錢到? 同埋邊度有賣?
-睇d post話無論係咩牌子, 新槍買番黎點都要執一執先得, 不過執槍方面小弟而家先開始睇(都未可以叫"學" ). 想請問通常師兄你地會tune d乜? 而如果拎俾出面d舖頭tune, 邊間會可靠d? 屍A會唔會肯tune(未問佢地, 因為都唔知可以叫佢地tune d乜...)
-短期內我打算淨係買一支黎長玩, 所以想知呢支襟唔襟用? 如果想襟玩d既話, 應該tune d乜同埋平時自己可以點做d保養?
唔好意思個post有d長, 因為都想細心考慮多d先買, 希望各大師兄可以提點一下小弟, 萬分感激!!!!!!
[
本帖最後由 solomonster1013 於 14-4-2010 09:18 編輯 ]
