到我哩個上水人分享上水特色既火車站趣味故事, 有D場面係因為太和以南既車站係唔會有~
每日上午返工~我正排隊等候上車, 車未停定, 我身邊個班友已經衝前想撞停既火車, 最慘係最頭個排人可能見到無位啦, 唔想企全程, 繼續企硬唔郁, 可憐的我慘變人肉三文治......
又有日, 當我係橫排長凳坐低,
身邊一名有國語口音既女仕極大聲同我講: 有人呀
我: 0下.....???
女: 我話有人呀!!
我: 你講多次你講咩呀??
(老老實實, 我真心唔係串佢, 我真係聽佢講野聽得好辛苦, 唔明佢講咩)
此時, 女仕身邊另一名同行女仕, 拉一拉佢, 估唔到佢2個有眼神接觸後, 與我對話的女仕即時變劍.....
女: 唔好意思, 無野啦, 唔好意思, 我XXXXXXX, 呵呵呵呵
(此時轉左台, 變返北方腔既普通話, 即刻唔明佢UP乜
)
我: That's OK, Just Kidding
(此時我一頭霧水)
更估唔到既係.......佢對我講: ByeBye
, 之後起身向車廂後段暴走, 光速消失於車廂, , 但係又未入站, 我繼續做我毒男既PSP世界................
我反覆諗左幾次, 但自己都搞唔清發左生咩事.............究竟我做左d咩事激嬲佢, 又做左d咩事嚇走佢..............
唔好笑既笑話講完........
