derek_lok

引用:

原帖由 Hkpolice-Psu 於 27-2-2010 10:48 發表
話說我響北角地鐵轉車，咁我見無咩人咪企響排隊果幾條線求其搵個位囉，丫_佢__，一開門成班廢物即刻好似堆填區D垃圾一見個垃圾岡咁堆埋去，攝晒我位....童軍原來就係教D咁既廢物出尼？！

一肚火！

引用:

原帖由 open 於 27-2-2010 23:53 發表

師兄我諗你只好接受時代既轉變
我地班後生中
有幾多個仲識講『唔該』
你見到既只是冰山一角既事件
現今童軍紀律係11軍中
比較好既一員
再衰仲有

引用:

原帖由 husky 於 27-2-2010 23:31 發表
呢一代ｄ十字軍差吾多架咋

老老實實, 都無需要講明係邊隊人馬, 總之制服成員咁既表現都絕對不能夠接受!!

但係蠔爺用此形式開post聲討, 卻對全港童軍成員極欠公允!!!!!
作為總會現役委任領袖, 除左對該旅團成員極為失望, 另對此post有少許憤怒及委曲!!!

btw
我建議蠔爺如果再有同類形事件, 請即記下時間日期旅團編號再向有關總部投拆!!

謝

[ 本帖最後由 derek_lok 於 28-2-2010 00:16 編輯 ]

derek_lok

引用:

原帖由 B20_hk 於 28-2-2010 00:59 發表



和平討論

希望如果有制服團隊有經驗既前輩在場, 可以分享一下紀律教學經驗嘛?

derek_lok

引用:

原帖由 husky 於 28-2-2010 01:27 發表



無用架~操多兩野出家長信

〝我個仔是黎玩管樂,吾是步操架...佢系學校是管樂隊~大把前途!〞

以上是老民曾經收過的家長投訴信其中一段(口語演繹)

莫非閣下教March Band?

唉.....罰掌上升都可以扭曲成體罰, 最多咪十零廿下........咁都比人投拆仲可以點?
大聲d講野都被中心有關職員"勸喻", 教小朋友唔需要咁惡.......結果在下比家長投拆.....

derek_lok

引用:

原帖由 mujiadam 於 1-3-2010 01:05 發表

我就係...親眼見過航胸青年團,玩定向係幾個人拎地圖搭的士...
同埋小弟印象中,而家既童軍同我小學時見既比,D章果D,佢地個人身上小左好多,細個見D師兄師姐,個個成衫都係仲加多條帶,而家好少見,係唔係改左制定咩,我 ...

更離譜都仲有, 唔講咩團體啦~

著U踩單車衝燈仲有片 "車太"
著住套制服on duty爆粗鬧記者
密碼通訊活動變電話SMS, 集體作弊!!
學校考試用密碼訊號作弊

雖然團隊導師應該為此等令團隊蒙羞行為負責, 但係最重要既並唔係導師, 而係小朋友既家長!!
絕大部份既團隊導師都係義務工作,每星期只對小朋友幾個小時, 試問如果在幾小時內將長期惡習撥亂反正??反而家長時時刻刻都對住自己仔女, 但又靠制服團體幫佢地教仔, 又要錫住佢地,返到屋企打回原形, 有鬼用咩?

derek_lok

引用:

原帖由 mujiadam 於 1-3-2010 01:39 發表

變晒質...

最壞既情況係
家長對制服團體認識不足, 導致對小朋友及團體寄望有偏差.
小朋友自身被逼參加, 入隊後漫無目的, 以為父母之命寄望為返隊Hea時間總好過淪為街童.
前線導師訓練不足, 後勤支援缺乏, 上頭管理層面官僚主義, 人事關係複雜, 議而不決, 決而不行.

我身邊既朋友好多都係咁既情況........我相信唔係第一個, 亦唔會係最後一個......

人地唔化咪我化囉, 睇開D啦.....自己落手落腳, 親力親為囉.........唉

[ 本帖最後由 derek_lok 於 1-3-2010 02:04 編輯 ]

derek_lok

仲未講完

上面各位朋友冷靜討論啦, 要興都係我先啦......雖然我唔係興, 係灰............究竟我地班領袖做左咁多野, 有無咩價值??有無咩意義??
上午六點幾起身返工, 下午放工, 返到屋企"急急青"沖完涼, 再換返個公文袋及換制服出去帶集會,
放完集會, 仲有開飯會, 同其他領袖傾旅務團務, 返到屋企差唔到十一點幾.....沖完涼攤係電腦檯前面就見哩個post......

有時真係問下自己咁辛苦為咩??
可能家父當差多年, 一直都睇唔起UG, 又唔太鍾意我玩童軍, 細個還可以, 而家成日鬧我不如搵多份Part-time好過啦!!
幸好女朋友以前都係帶UG, 都肯就下我, 星期六日帶集會帶Camp帶行山, 陪少幾日佢囉, 紅日9成9見唔到我架啦, 上山搵我啦, 成日約同我打GAME既朋友先知, 我推班GAME友推到自己也唔好意思, 幾個月先見佢地一次........

多謝各位師兄睇我係哩個不斷發嘮叨, 有時自己都幾憫, 就好似個個父母都想自己仔女成才, 又會有邊個帶隊會教d垃圾出黎?? 小朋友自己唔生性, 屋企人說話都唔聽, 可況係我地? 我地唔係要教過技能超班, 膊頭考爆章既細路出黎, 只係簡簡單單既守法循規的良好公民已經足夠.........

derek_lok

引用:

原帖由 Ｌ 於 2-3-2010 11:04 發表

但我身為佢地的一份子...佢地呢D 枯枝..令到外界的人有壞的印象...真係覺得有種難以形容的感覺..
我唔知其他旅團係點樣...但響我旅團的成員...都好聽話...響街外的情況我睇唔到..我唔知..
但響我面前我真係見唔到蠔屎你講既情況出現..
其實班細路點樣..好大責任..係我地去做出黎...

講真, 哩d真真正正既樹大招風, 全港童軍由早幾年10萬大軍回落到得返8萬幾人, 但都係全港最龐大既青少年運動組織, 細路出錯好大程度由領袖承擔,
市民大眾見眼既隊員, 例如蠔爺出post見到有細路搞搞震, 作為領袖可以引以為例, 加強自己旅團內部既教育, 若然要平息公眾對小朋友犯錯的盛怒, 更甚更加可以代為轉告有問題旅團既領袖, 不過當然唔係唔信, 難聽d講句俗話"捉賊拿贓", "證據確鑿", 要個賊同閣下道歉, 至少都要比人知佢係邊個旅團既小朋友先搵到架!?

引用:

原帖由 Ｌ 於 2-3-2010 11:04 發表

圍營區...係一個好重要的野...但圍得過大...作為領袖..應該係要出手指引的..將影響到人地減到最低...
唔好講外界的人...
即使我去大露營..隔離營區..半夜三更開哂燈..唱哂歌...一個領袖都冇阻止...仲要玩埋一份..
響營到講粗口以為冇人知...同佢領袖投訴又側側膊...
童軍就淪落為別人眼中的烏合之眾了..

圍營區, 又係童軍露營技巧其中重要一環, 當我仲係細路無知個時, 以為童軍先會搞"基地式露營", 最後我過多幾年先知原來唔係.......原來好多人 / 團體都會............唔係童軍仔既專用技能

開頭我都幾讚成 "多一個童軍, 少一個衰仔" , 當然現實無咁完美啦, 童軍都可以有衰仔, 原來件制服唔可以包容晒一切,  抓爛面口講出口話佢, 只會無啦啦比人話我小氣。
身為一個制服團隊人仕, 著住套U, 表明身份自己係UG人架啦, 仲可以公眾場所講粗口, 半夜三更好似開籠雀咁唱歌, (又唔係好聽 ), 不如過去拍佢門, 問下佢咁既行動係公眾場所失儀, 對唔對得住自己套U?? 著左咁多年制服, 做左咁多人, 爸爸媽媽有無教你公德心? 老師有無教你氣量? 領袖有無教你露營呀?
小朋友要教, 大人的話可以婉轉D提醒下佢既, 咁都唔醒目既, 唯有直諫, 比佢自己知道做得阿頭唔好搞壞細路~

[ 本帖最後由 derek_lok 於 2-3-2010 16:13 編輯 ]

derek_lok

引用:

原帖由 Ｌ 於 2-3-2010 16:38 發表

呢個比喻用得幾好

yes, 仲好過一竹篙打一船人(修正白字, 打錯左一竹竹, 都唔知係咩)

引用:

原帖由 Ｌ 於 2-3-2010 16:38 發表

連旅長都可以教細路渣大膽車..你就知出面係幾惡劣..

個件事真係悲劇, 個GSL太錫D細路, 寵壞晒!!!
個SPL又係既, 咁大個仔仲咁曳, 揹住條三柴就好心做好自己啦!
結果GSL攬晒上身啦, 個細路無事呀, 為咩呀 ?

[ 本帖最後由 derek_lok 於 2-3-2010 17:07 編輯 ]

derek_lok

引用:

原帖由 Ｌ 於 2-3-2010 17:01 發表

我成日都同自己的細路講就係..你放集會要去威去蒲我真係唔介意 講真我自己咪一樣又係食煙飲酒講粗口..
但係最重要係就係..你做呢樣野既時候..唔好著制服...一著起套U,..你的身份就係童軍的身份..一言一行都係代表緊童軍..
SOFAR到而家...我個團的細路大部分都係返到黎先換U...

PS..我團係童軍...

我發覺終於搵岩地方交流下哩方面既心得, 同屋企人傾又叫我唔好玩啦, 女朋友傾又無用, 同其他領袖傾, 答我一句, 做耐左就習慣, 好少事咋,
CGF真的很強大

我自己就咁睇, 係唔同時間地方做返唔同既事, 著U梗係返集會做童軍架啦, 唔返集會著U呢做咩先?
我地都試過有細路著左套U落樓, 同屋企話返童軍, 但係走左去玩, 我地唔係見佢咁遲都未返要打電話去佢屋企都唔知咩事, 岩岩比其他領袖兜到佢返黎, 之後無耐同佢都無再玩落去.
相反, 除左套U都唔代表你唔係童軍, 自己做咩都好, 都要為自己做既事負責, 當然唔係話一D誇張好似犯法既事, 好多事就算唔犯法都唔代表係合理, 好似排隊插位/講粗口/講是非咁, 做左唔會比警察拉架嘛, 但係唔代表咁做係合理, 好多人私底下食煙飲酒講粗口一回事啦, 唔好大庭廣眾比D小朋友知道囉, 即使小朋友見唔到, 佢地家長都可能認得我地~

其實我等緊一個領袖一齊討論, ,我細過教過我, 而家佢都係CGF度

P.S. 我係AVSL, 但係要教埋童軍囉, 阿SIR搵我笨

[ 本帖最後由 derek_lok 於 2-3-2010 17:25 編輯 ]

derek_lok

引用:

原帖由 theloggoo 於 2-3-2010 17:31 發表
唔好淨係話D"童軍"喇, 君不見大把鎗隊打完GAME, 咪又係三五成群嘈Q巴閒招搖過市, 有不死人鬼火咪又係幫住自己隊人...

都唔好淨係話童軍啦, 好多其他UG都有害群之馬啦, 但係哩個Post真係講童軍嘛.....