樓主,等我都講我同"兄弟"既故事你聽,大家分享下.....
系幾年前, 我因為打IPSC識左一個大過我幾年既朋友((A)), 同另一個同年既朋友((B)), 三人一直關係良好,
興趣同鍾意既野都有唔少相同: 行山,IPSC,war game.etc. 所以成日都一齊出去玩, 我地都以兄弟相稱,
唔係普通酒肉朋友, 大家相處到 '比個眼神就知咩事' 既程度.
但近呢年, ((A))因為買金, 仲要有唔少利潤, 個人愈黎愈大口氣, 令我同((B))都覺得佢變左. 佢個人既價值觀, 變到覺得有$就咩都得,
開口講買貴野, 好似飲杯水禁簡單. 食飯次次都係大餐. 但對我地黎講, 就好似係炫耀一樣, 當然我地唔會阻人發達, 但都唔想再聽佢既富貴生活......
慢慢,我同((B))都同((A))少見左,因為我地都覺得眼前人唔再係當日志同道合既"兄弟".
樓主,相信你唔會唔明,果種感覺真係同搭臺冇分別
