講眞，唔係馬後炮講句，呢支嘢我一定唔買，除咗大家試咗易爛之外，根本好似走番回頭路咁又要玩氣。本來就已經因為氣唔太好，多少都做咗Earth killer(破壞氧層)，後來馬記出咗革命性的AEG一直至今，巳經係汽鎗界的一大突破，本人覺得已經好好。無須走番轉頭玩gas,姑且好多人話佢好feel,blow back好正,但成三、四千元玩feel，覺得唔係太值。始終是玩具鎗嚟,blow back點勁都一定唔及真的....當然，香港玩真鎗唔容易,但咁既價錢,質素又唔太好，本人始終覺得唔值。又多口講句(純个人意見)，好似好多人都認為PTW是汽槍中的勞斯來斯,支槍十分正(全真槍數)。本人覺得不論玩具鎗或真槍都應該可靠耐用和結構簡單，尤其上戰場，結構簡單才會在補給、維修等方面較容易，本人見支PTW裡面的波箱設計精密，重要有电腦chips,好似有啲太複習的感覺，反而同真槍的設計走相反路線。如果話佢始終是玩具槍，所以要用一些設計來輔助彈道、力道、準繩等，咁玩具槍始終由頭到尾都是玩具槍，賣咁貴會唔會唔係太值呢，佢另一樣標榜是真鎗數，但亦唔係真鎗料嘛。相反地，本人就十分十分期待Magpul出的Masada....一來是真槍廠出，值回票價，二來如果大部份零件等是同支真Masada共用的話，就算是支AEG,賣PTW甚至再貴些少的價錢，本人都會買。
