各位師兄，小弟心cc想加入PTW (M4)行列...玩電槍只係得幾個月經驗，所以心裡有一大堆疑團，還請各高人指點！
小弟都算係斯文人，絕對唔會狂full...預算只有10K,
1) 請問係咪有分2008 or 2009版本?最新係咪出到2009版本?
2) 買max版然後換高級d既筒好d？定係直接買super max版好d?
3) 假設正常咁玩game，唔狂full，支槍最大機會壞既係咩parts?最經常消耗/要換既parts又係咩?
4) 如果買challenge kit，隨槍係咪會有光碟附送教你點砌架？
5) 一般機械裝組小弟還可以應付，唔知使唔使自己用"辣雞"焊線呢？最擔心燒鬼爛左d線/parts就喊都無謂...
6) 小弟見所有既版本都好似得玉米筒，如果想換條copy既骨，大概要幾錢？使唔使機械加工先裝到呢？
7) 小弟印象中，好似只係見過明搶店有得賣，其實如果自己上網訂，再加埋運費，邊樣會抵d呢?(問過明搶，+$500包砌)
真係唔好意思，一次過問左咁多問題，只因小弟筆直有限，怕買錯野冇得救，誠心祈求各師兄指點及賜教！
