有空閒, 所以想再講講Penny Dreadful.
試o下解釋自己既偏見.
無可否認, 呢套劇把電視劇製作標準又再推高了..
https://www.youtube.com/watch?v=Ud129OeFNXw
對個人而言, 套劇最大既毛病,
係響一種非常、非常高質素既製作及包裝之下,
其實乜鬼野都冇發生過.
難聽講即係故弄玄虛.
劇集要將一大堆名著的人物撈埋一碟,
但又選擇要無視眾多原作家既理念及社會控訴,
亦唔理時空地域文化差異,
甘既做法,
除非劇情可以超越前人,
或者注入異常挑戰思考既新理念,
不然對原著有點認識又有點喜愛的人來說,
會係非常冇癮既事.
我自己喜歡歷史,
所以套劇既硬堆砌對我唔太work.
例如不老姣佬Dorian Gray的活躍期是1850's左右.
而科學怪人係1810's的事,
狼人Talbot則是二十世紀初期的人物,
只有吸血殭屍, 係最接近劇集設定的1890s.
時空相差了幾＋年, 漠視了差不多一整個世紀社會及價值觀的改變,
其實同硬要擺毛澤東入去開羅宣言海報一樣o甘唔自然...
屎忽D我想再舉個例:
劇集內狼人的女友 Brona Croft, 在第1季季尾因肺癆死亡.
第2季被改造成科學怪人復活, 由Billie Piper飾演, 是主角之一.
Brona Croft係劇集原創角色, 設定係窮困愛爾蘭移民.
Brona 這名字來自6世紀北愛爾蘭 Brónach教堂的守護聖女.
所以Brona係個正统愛爾蘭名字
相反Croft來自俗稱的古英語, 是英格蘭底子.
根據1860s產業普查, 整個愛爾蘭只有25戶 Croft姓氏的人口.
在情在理, Croft並不是一個反映愛爾蘭血统的姓氏.
讓我們再看看令Brona 復活的 Victor Frankenstein 博士.
Frankenstein是日耳曼語. 現實中有Frankenstein古堡, 建立於11世紀, 亦位於現在的德國境內.
1818年的原著中, Victor 這個富二代是在日內瓦長大.
那道理上, 不論是瑞士或德意志邦聯,
都不會用英系的 Victor, 而該是羅馬尼亞系的Viktor.
加上作者 Mary Shelley 是英國人, 所以可以提出質疑.
但掘深一層, 作者有描術Victor出生地是意大利南部的 Napoli.
這城市由14世紀開始, 都是歸法國管理, 一直到最後期的拿破崙管治, 都是受法國文化支配.
而法國是用Victor的,
典例係生於1802年的雨果, 即係 Victor Hugo.
若又再掘深一層, 則Victor同時係作者Mary Shelley既老公的筆名.
好多時分別就係在呢D細節..
再者當時頭一季玩足左成年,
最終發覺真係冇一個角色係我仲會好奇或我想關心..
除左靚同型, 真係唔知佢想點.
何況在另一邊, 有套有血有肉越戰越勇的<<性愛大師>>..
呢套第一季係傑作,第2季係傑作, 第3季都仲係傑作中
[
本帖最後由 loveless 於 25-8-2015 00:03 編輯 ]
