Rainey兄指鏡應該係密封, 內有氣體？
鏡出廠時注氮甚至氬, 主要係抽出內部灰塵及濕氣，封鎖後氣體就兼負了防潮及穩定氣壓作用。
視乎個人要求，氣體本身不一定影響機械或光學操作，舉個例：
Marui PSG-1 原裝有跟支仿Hensoldt ZF鏡，
一旦拆下，就會發現鏡筒係鑽穿的, 意味成支鏡從來都不可能是密封。
我手頭上就有支廿多年前已被拆下，筒身一直有兩個M5大小的窿，空氣塵埃長期隨意出入。
但至今鏡片及邊緣位依然保持新鏡時的清晰通透度，肉眼所見並無氧化，亦無霉無點。
當然，因為內無穩壓氣體，温度差異過大時，相信係有機會起雾...
從另一方面睇，若支鏡係超精密遠程射擊用，每一click都要求絕對劃一精確兼絕對可重複，
那內部就真係需要有氣體，主要係確保金屬部件不會接觸空氣受潮氧化, 而影响精密度..
