loveless

引用:

原帖由 derp 於 20-3-2018 19:01 發表


Oh that's a matter of course.

但係值得留意既係舉證與執法上既懷疑係兩個標準黎。例如好簡單既警隊條例第50 條容許警察拘捕，係警員合理地懷疑。而標準係警員自己覺得xxx。口供紙上經常見到既係「我見到某 ...

agreed + 完全合理.
其實我唔係完全否定P兄, 只係直覺覺得應用響出境會有好多, 甚至太多, 現實問題需要面對.

正如日本海關唔可能因為我帶住成o急出前一丁就禁止我離境, 南韓唔可以因為我帶住一o急化妝品就扣我行李,
犯法與否, 係我低達目的地入境時既問題...

loveless

香港有個特色，就係一定數目既出境控制點，中國係唯一既目的地。
可以針對性從教育及宣傳入手去講解兩地違反出入口條例既後果。

運用法例就係另一回事，奶粉令代表無任何人可以帶超額量離境，不分民族國籍。道理上法例就是一度閘，不能因為我喜歡你就特別寬鬆，我討厭你就特別嚴厲。
如果要用懷疑作為理由扣押離境人仕，而其行李內物品與出境條例並無抵觸，隨即出現既就係無窮無盡既問題：
香港係一個國際貿易點，印度人，非洲人，中東人，菲律賓人，印尼人，日本人，歐洲人，美加人，乜人都有，每日無數外籍人在香港揾貨，寄運代運手提百花齊放，會展隨便一個展覽就有成千上萬外國人帶走無數商品，是否要要求全部人仕都要有工作簽証？要靠法律扣留扣押甚至禁止懷疑水貨客出境，就要有定義，一個可以套用在羅湖落馬洲極之神憎鬼厭人仕身上的法則，就同樣要套用在所有離境人仕身上。
於是大可想像一個情況，帶手信可以被扣押，帶貨辦可以被扣押，總之有商品就可以被扣押，那香港即時變成國際白色恐怖都市。
法律永遠有利有弊，奶粉令係好事，但同時絕對傷害左香港作為一個自由港既穩定性。

現實生活中我都會碰到熱誠要捍衛民主自由法治etc的人，最困惑係通常佢地思維上真正想要想做既，卻往往係相反...

loveless

單一針對目的地係中國既過量水貨客，
最快真正可以起到正面實際作用既關鍵並不在於政府，
而係兩間公司，一間叫九廣鐵路公司，另一間叫香港鐵路有限公司....

loveless

引用:

原帖由 kongchak 於 21-3-2018 20:52 發表
建議係香港出口前設立自助X光機 或者 x光區
比水貨客走水貨前確定係非危險品

應該可以減低不幸事件發生

那有點政治不正確，
正常人係應該知自己帶緊乜。
政府出面整部自助X光，
即係直接比出一個訊息係鼓勵緊走水貨。

要搞，就要兜個圈俾私營機構，用收費模式至行得通，
不然又係公關災難。

loveless

唔太認同為錢幫輕下係一種合理化既理由。
香港個個都為錢，
甘UC順豐DHL日曬雨淋身水身汗既大佬們，應該全部劈炮去走水貨了。
高回報高風險係不變的定律，去做與否係個人選擇。
當陳小明腳踏實地去麥當勞百佳惠康兼職，
而陳大志揀去走水貨，佢就係選擇左。
冇事時佢享用到比小明更高的回報率，
出事時佢係硬食小明唔會遇到既奸詐及風險....

loveless

引用:

原帖由 pbay 於 22-3-2018 14:22 發表

一個好政府係對外地人凶狠極權, 對本地人就要手鬆, 玩下自由民主.
大陸係一個對內極權社會, 極權下易養出惡人, 香港邊關變得極權一點去應對惡人亦係必需.
加強檢查怕會引起反彈嗎 ? 不怕的, 反正買左水炮車, 漆彈 ...

民主自由法治新定義

loveless

引用:

原帖由 LCH925 於 22-3-2018 14:52 發表

每次睇到P兄的偉論我都好興奮
觀點新鮮尚且難得，更難得係P兄居然可以保持新鮮

概嘆生不逢時, 若P兄搭時光機返去做大總統, 應該係另一番風光.

loveless

引用:

原帖由 pbay 於 22-3-2018 16:05 發表

受兄台感染, 依家在下好支持獨裁同極權

可能因為我冇P兄買龍門時隨門奉送的風趣包,
所以唔能明P兄所言何物