反而想從數字去看看一件事情:
王維基指出,HKTV到目前燒左3億.
以HKTV名義生產的, 到目前應該共有8套電視劇集, 2套綜藝資訊節目.
HKTV 曾在 2012年設定目標, 不論有冇牌, 全年要制作共304小時的節目.
而2013年的設定目標, 應該為全年共1140小時的劇集及綜藝節目制作.
到今年HKTV中期報告指出, 節目總成本用了2.027億元,當中員工薪金為1.1億元.
另一方面, 王維基曾在批評政府時, 指出本港廣告收益約30億元:
"即使加上三間申請者，總營運成本亦不足此數，廣告市場可容納更多電視台。"
先深入點看看這30億元數據的實際情況:
TVB 全年廣告收益為30億元左右. 2013年上半年廣告收入是14.59億元, 半年總營業額25.92億元.
而半年間, 經營成本是16.63億元.
TVB 全年需要制作共 1.65萬小時的節目.
而TVB 及TVBI 所有免費及收費頻道, 數量加埋都不及王維基所宣佈將會開動的頻道數量.
政府是在2011年批地, 俾城市電訊的子公司建立電視及多媒體節目制作中心.
2011年城市電訊尚未出售, 而屬下有香港寬頻電視, 當時亦不正式存在HKTV.
所以批地並唔應該被視為保證發牌既原因.
再者, 如果年來資金用左3億, 當中2億係節目同人工, 那意味期間真正投放左幾多資源去基建工程項目?
如果幾套電視劇集, 唔計人工要1億, 那制作1.65萬小時要用幾多錢?
數字上既邏輯可以引起一點推算嗎?
如果從多些角度去看一件事情, 會唔會有多D考慮因素?
以王維基一貫營商作風, 佢好快就又要出賣大包與割價的招數.
而又一個行業, 將會失去平衡.
頭段賣大包, 攞人心, 比盡著數甜點搶市場.
跟住迫使行業從業員越做越多去"保持競爭", 基層收入卻越來越少. 當到達極限質素按定律下滑, 就越來越多花巧名目去迷惑粉飾, 總之務求渣到社會最後一滴最後一刻.
呢樣至係企業思想既噁心之處, 而王維基, 正正係用慣呢種手段既表表者....
