引用:
原帖由 ohnavi 於 26-10-2012 18:15 發表 
吾同時代或者你吾會明的，
我地果時Ｄ細路確係甘長大；
如果你係壞學生（只係遲到/用gel/吾攝衫果Ｄ炸），
訓導主任用1cm厚間尺卅大波板，
日日系全校學生面前打手板打到你驚打到你醜為止，
無影凳最少罰坐一堂。
我地中學食煙飲酒但吾會入黑社會，
我地講粗口溝女但吾敢同Ｄ女上床，
就算黑底果班見到阿sir都係會驚，
當年Ｄ父母係企系學校果邊一齊教子女的，
學校打完回家只會打得更甘，
我屋企會罰我跪系個12"地版範圍成晚吾可以郁
之所以我地記得好清楚自己犯既每一個錯誤。
出黎社會之後我地永遠知道尊重別人同謙卑，
做事先做好自己然後先出去投訴，
Ｄ人話現代社會人權呀之類我只覺得不知所謂好好聽而吾work。
可能我思想古老吧，你們又能理解嗎？
我呀媽成日都咁同我講
跟住我就問佢:
咁你呀媽呀婆果代, 女仔要紮腳, 婚姻係父母之命, 分分鐘仲有指腹為婚
咁你地又能理解嗎?
咁之後佢多數都冇聲出架啦
有時小朋友太細, 仲未識講道理, 打係惟一既方法
但打完之後要教, 否則佢地即使唔再做都唔係因為知錯, 係因為怕打
到大少少就開始要靠道理, 靠以身作則
如果唔係總有一日, 你唔可以再打, 咁到時點算?
ching, 時代係到進步緊
你以前果套係你身上work, 唔代表係最好, 更唔代表係其他人身上都work
反之而家果套都係一樣, 我好慶幸我父母選擇左唔將佢地以前果一套帶落我身上
唔係因為我怕俾人打, 係因為我怕自己第日會變成打人果個
