引用:
原帖由 RCman 於 12-9-2013 12:45 發表 
好唔好做真好睇間鋪的方針，就以樓主問"依興趣"為例。
睇落鋪頭開1-6，星期日off,以sell野來講有星期日放好似好好甘？
不過好多時佢地都有活動要做。
叫你OT返星期日full day，你又話想去同fd玩....就邊有可能？
出來做事唔係你得唔得閒，而係你做唔做？
不過有時呢d出嚟做野都預左, 我既意思係
如果間鋪頭運作係有系統, 會相對容易適應自己既工作岡位
每日番去好自然知道自己要做d咩....
但有好多鋪頭, 尤其係比較細既就唔係咁
尋日做既野同今日做既野唔同, 今日做既野又同聽日做既野唔同
經常性要等老細俾指示你去做乜, 因為成間鋪個運作都冇一套既定程序
所有野都係老細自己在心中, 要等你做番一年半載先慢慢摸熟d野, 到到你自己都心裡有數
好啦, 好唔容易地真係叫做學識晒啦, 萬人請個新人番嚟要你教, 咁就仆街, 因為你根本無從教起, d野係你自己個腦入面都係散修修, 咁點教人啫?
變左你就係要係到幫佢執手尾
同埋當一間鋪咁樣做落左, 你唔洗旨意佢會變, 因為佢根本變唔到
d野全部東一忽, 西一忽, 你甚至老細自己都係逐少逐少咁慢慢記住, 即係好似你部電腦入d野咁, 永遠得你自己先知, 唔會好有系統咁分門別類, 一執位就等於從頭嚟過, 根本冇可能
咁如果真係要做唔會話做唔到既, 但就會同你心目中果種理想工作差好遠囉
