tf141

我又講一件事，都係出名果間鋪嚟既

唔係話投訴定點，講出嚟大家評下理，反正件事都至少兩年前

話說我有枝KSC P10斷左trigger，於是去買左隻trigger，但我以前都裝過一次，實在好麻煩
於是就想俾少少錢搵師傅裝。一問之下，價錢都唔平，而且要等，所以就搵左另一間鎗鋪既師傅裝。

點知裝完之後，發覺根本唔啱，雞都扣唔到底
師傅R晒頭以為自己裝錯，之後我拎番隻斷trigger一對，根本唔啱size
新買果隻長好多

又拎番枝鎗去出名鋪，佢話乜原來唔啱用架？
原來果隻係MK23 trigger嚟，佢以為一樣，但佢賣俾我果陣完全冇提及
我叫佢同我攪番掂佢，佢拒絕，話一係就退番trigger錢俾你，一係幫你磨短隻trigger佢照用，但係一樣要收番你原本offer既安裝費，同埋一樣要等。
我梗係唔濟啦，就話退錢，但佢又唔肯幫我拎番隻trigger出嚟，要我自己攪掂。
簡單d嚟講就係對於誤導我，攪到我枝鎗唔上唔落絕不負責，最多就係退錢，當咩事都冇發生過，絕對唔肯額外付出任何野，不論錢或者勞力。

於是我一肚火咁去Tokyo買過另一隻啱用既trigger再搵番師傅幫我裝多次
開頭佢都唔想，但最後都應承左我，幫我換番隻新既兼拎番錯果隻出嚟，攪左成日又裝又拆，又拆又裝，都只係比起原本既安裝費收多我$50，仲笑言本來唔熟KSC USP系列既鎗，但因為我而家合埋眼都識裝拆，可能佢已經唔記得呢件事，但我真係好多謝佢，以後整鎗都只會搵佢，佢就係QXF既朗哥。

至於果間出名鋪，我只會去買鎗或其他野，因為價錢平，而且係呢方面亦有信譽。不過就絕唔會再幫襯任何有關服務既野，問野都好少，費事問，反正佢地都好似唔係幾想答。

tf141

引用:

原帖由 N_G 於 6-3-2017 12:22 發表

佢D野全部markup 10% 見你順眼就平十零廿蚊比你做番槍街價
大道理我唔識講.不過就唔覺佢邊到好人啦

價錢既野就自己諗啦，佢定價就算真係高d既又唔代表d乜，肯平番俾你就更加冇野好投訴
以我觀察咁多鋪頭講貴一定未輪到佢，我自己唔係成日幫襯佢買野，但係佢到買親都唔會係特別貴，去番其他鋪頭比較就算唔係最平都數一數二，咁當然唔係樣樣野都係啦。買唔同類型既野要去唔同地方買，呢樣野係基本，格價亦都係。

你話佢係咪一個好人，我唔評論。我又唔係同佢好熟，平時行街會唔會買旗，每年歡樂滿東華有冇捐錢我真係唔知，現實d講亦都唔關我事。不過係鎗鋪嚟講令我感受到咩叫服務既鋪頭真係唔多，佢係少數之中做得最好果個。

tf141

引用:

原帖由 sovietarmy2012 於 6-3-2017 17:50 發表
好出名個間約十多年前態度係好差，有年吾知做乜忽然改善了，依家係槍街標準算咁啦

同隔離一樣的是:冷漠同背免責聲明

其實我反而覺得童工好左，雖然要讚就未論到佢，但係就真係有進步
起碼你問完野講句唔該，佢會講番聲唔洗

出名鋪就我以前都覺得ok，而家就差左，同你講野都唔會望住你

tf141

引用:

原帖由 queen 於 7-3-2017 12:11 發表
我一直唔明，去買枝槍大家要乜service????
作為一個玩槍咁耐的，要買乜槍乜parts根本一早知，落到去只係遊街格價，之後比錢check完走人，佢笑唔笑西唔西面關我叉事(我買電話電腦相機其他野都係咁)，人係賣貨唔係賣笑……

另外好多人話店員唔知答乜但又從來唔知自己問野一舊舊……我行舖頭就成日聽到好多人都唔知問乜……

咁你放部自動販賣機係到咪算囉, 請人番嚟替死咩
問野又唔問得, 同你講野又冇禮貌
同個死人有咩分別 ?