rex12781

引用:

原帖由 MG-42 於 27-8-2017 03:05 發表


今日抄就有問題 , 昨日抄就是沒問題?   日本有冇抄過人得個知字姐... 起碼肯定係侵犯左原創者先囉 , 自豪與否都改變唔到日本都係老番起家 , 點都好起碼日本今日大量電器影音產品智能電話PS4咪又係要搵大陸 ...

日本曾經靠老番起家呢個事實都證據確鑿㗎啦。不過原來其他人做過嘅衰嘢，有人跟住去做就唔係錯，仲唔可以鬧㗎嗱？再講，日本山寨得嚟都仲未無恥到去告番個原創者轉頭。
再再講，我自己覺得，成日開口埋口都話愛國嘅人仕，愛國唔係應該想自己嘅國家好嘅咩？但係我而家見到嘅就係，有人講中國唔好，就邊個邊個都係咁啦。一係就話我哋無做過，你收咗美國錢抹黑我哋。又或者講，你唔係中國人呀？數唔到咁多啦。唔該真係愛自己國家嘅，真心想國家好嘅，唔好有乜嘢都包庇，唔俾人講，解決提出問題嘅人當解決咗問題。用把口贏咗有咩用，精神勝利法？有唔好或者唔啱嘅嘢應該改好佢，咁樣先會進步。

rex12781

引用:

原帖由 48191 於 27-8-2017 11:29 發表
小心又有人跳出嚟砌你，佢哋都只係活響自己嘅世界。你提出呢啲咁清醒嘅言論去嚇醒人哋，佢哋就會攻擊你。

我都係講道理姐，如果唔認同我嘅睇法，可以用理據去反駁我㗎，不過如果係啲無理取鬧嘅人，我就唔識得同佢哋溝通啦。

rex12781

引用:

原帖由 48191 於 28-8-2017 01:08 發表
有啲人係好得意嗰喎！
當你用真憑實據、數據、資料來源攤開哂出嚟任人睇，「某啲人」就話你生安白造，又將一啲「大陸」嘅不實報導嚟回應你，答非所問；到佢哋無法 ...

其實我公司都有呢類人，我會盡量當聽唔到就算，因為呢類人無論你嘅理據有幾充分，佢哋都可以用一啲歪理去回應你，而且就算拗贏咗佢哋，佢哋又會用第二啲嘢嚟攻擊你，同佢哋講嘢真係好嘥精神，所以可以忍到都唔會出聲，反正你無可能改變到佢哋嘅諗法。

rex12781

引用:

原帖由 48191 於 28-8-2017 10:53 發表
我會直接打去HR囉！
話之佢官幾大，有幾大粒，做嘢衰咗認咗佢就冇事，仲有得拆；唔認仲要掩飾，我就要佢出事。
所以我份人事報告嘅評語都幾大鑊，但係我預咗。

喺工作上如果我無錯我係唔會妥協嘅，通常都係嘈其他嘢姐。所以我到而家都升唔到職。