geoprotex

佢應該對你幾有好感，只係因為班fd講嘅野令佢有d猶豫，
你咪同佢keep住做好朋友，用行動證明佢班fd睇錯囉，
正所謂日久見人心，你係好嘅佢有眼睇嘅，
如果你而家掉頭走咪即係俾佢班fd睇死你玩玩吓無誠意。

geoprotex

引用:

原帖由 Anonymous 於 19-2-2012 00:23 發表

我都有一刻諗過佢同d fd試緊我,
但係果d'作為朋友',真係令我心淡
我sure係佢d fd搞事,
我呢兩日都唔會理佢住,我星期一番band房搵我個高人諗諗計,
我係中意佢...但係又有諗過唔食回頭草...

試左唔work一回事，試都唔試就放棄會係一個遺憾，無謂為面子令自己後悔丫。

geoprotex

你唔好太在意佢口中所講嘅安全感啦，其實只要你誠實佢就覺得有安全感，
你如果行每一步講每句說話都過份諗過度過，佢反而會覺得你唔自然，咪仲易誤會你呃緊佢。
你唔知點回佢咪將自己心裡面嘅疑問同感覺講佢知囉，洗咩搵d咩高人做槍手，
有d事係可以請槍，不過追女仔都係親力親為好，追嘅過程都係日後回憶嘅一部份。

geoprotex

你追人係長期戰爭，輸果一場半場小戰役算得係咩丫？要放長線釣大魚。
叫個女仔唔好理班fd係大忌，女仔一般認為你愛佢就要接受埋佢d家人朋友姨媽姑姐，
呢方面幾唔願都一定要扮大方，更何況你而家嘅身份只係好朋友，邊有資格叫佢離開班三姑六婆。