其實樓主唔洗太擔心，我老婆生仔之前都有提出類似要求，我明白佢係擔心我掛住玩唔揍仔，當時我無同佢討論呢個問題住，因為孕婦受賀爾蒙影響一般都唔會同你理事性討論。
個仔出世後，我暫停一切wargame、運動等娛樂 (有朋友約都要高調話俾老婆聽我要揍仔所以推左佢啦，實情係揍仔太攰，你放我出去我都寧願喺屋企瞓）。老婆慢慢會觀察到原來佢老公係一個肯為家庭負出嘅成熟男人，你俾到信心佢佢就會俾多d自由你。
到個仔兩歲左右無咁痴身，我就嘗試提出有限度復出，隔個星期夜晚放工後打波，試吓水溫再得寸進尺，再要求三個月打一次game。到而家個仔四歲幾，基本上已回復到結婚前水平，我老婆理個仔都唔得閒管我。
同意樓上師兄所講，兩公婆最重要係坦誠溝通，可以有條件退讓但唔可以盲目遷就。一個男人如果無底線無堅持，女人都唔會覺得佢應該被尊重。
[ 本帖最後由 geoprotex 於 10-3-2014 17:40 編輯 ]
