引用:
原帖由 mujiadam 於 8-2-2010 01:54 發表 
果個網果時唔係比果個過山車咩...............
周續稱，女童在網上受驚亂爬，幸有兩名南亞裔男子靠欄協助引導女童走回網邊，當她打斜繞過母親砸穿的三呎大窿，一步一步如走鋼線般，驚險萬分，各人恐其失足跌下，喊道：「望過嚟呢邊，小心行過嚟！」直至她被抱起救回，所有人才舒一口氣，有人更用手機拍下緊張過程。
攤檔檔主梁小姐亦稱：「個個都覺得好驚險，個個都係咁叫妹妹唔好郁，但個妹妹就係咁郁、係咁爬，我哋真係驚佢爬入個窿度再跌埋落去！」另有玩具檔女檔主稱，初以為女童不慎墮樓，說：「仲諗住個妹妹畀個網接住，真係好彩，點知個媽媽跟住跳埋落嚟仲死咗，至知係不幸悲劇！」她續指，女死者墮地位置旁放有一隻六呎高白老虎吹氣公仔，已擺放約一星期，早已令商戶覺欠吉利，沒料果然發生事故。
由於商場九樓設有全港首個室內過山車，八樓建有用較粗尼龍繩製成的安全網，防止玩過山車遊人跌下雜物，而四樓的安全網採較幼尼龍繩所製，以防缺德者拋垃圾，承托能力較低。理工大學機械工程學系工程師盧覺強估計，接着女童的安全網最多只能承托數十磅重量，所以女童未有砸穿網。若以女事主體重一百二十磅來計算，肯定無法承重，而她由七樓躍下撞穿繩網的重力約有五百卅四磅，再直墮一樓撞擊力高達八百二十一磅。
