早一兩個月遇過兩單極品
第一單我出完POST佢話要兩樣野...其中樣係支長槍同另一件野
咁佢就話要HOLD幾日...星期六先交收...好有誠意咁約定晒時間邊度等
咁我OK啦...HOLD比佢...點知到星期六交易前幾個鐘同我講
可唔可以今個星期六交易左件野先...支長槍今日唔放便拎...因為要湊女放學
到夜晚交易時...真係見佢拖住個3-5歲小妹妹...仲要一隻腳打石膏篤住拐杖...咁心諗(唔怪得唔放便拎啦)
咁之後交易時佢好好禮貌...不過約我下星期六先再交易支槍...當時都冇覺得D乜
點知到左下星期六...佢交易前30分鐘SEND WTSAPP黎話要OT...交易唔到...再改遲一個禮拜(之後省略)
當然最後再下星期六佢都係話OT...之後更直接唔睇我WTSAPP
前後賣件野差唔多拖左我成個月...亦都証明左唔係好好禮貌好有誠意就唔放飛機
其實我真係唔明...唔要...咪直接講...佢好明顯係要拖到我自動放棄
打幾隻字...師兄唔好意思...都係唔要有幾難
[ 本帖最後由 Kwind 於 18-5-2017 22:31 編輯 ]
